شينحۋا اگەنتتىگىنىڭ 1 ـ ايدىڭ 4 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى كوميتەتى 1 ـ ايدىڭ 4 ـ كۇنى تۇتاس كۇن بويى ٴماجىلىس اشىپ، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى پارتيا باسشىلىق گرۋپپالارىنىڭ قىزمەت مالىمەتىن تىڭدادى، ورتالىق كوميتەت شۋجيچۋىنىڭ قىزمەت بايانداماسىن تىڭدادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ٴماجىلىستى باسقاردى ٴارى ماڭىزدى ٴسوز سويلەدى.
ٴماجىلىس مىنالاردى اتاپ كورسەتتى: پارتيا 18 ـ قۇرىلتايىنان بەرى پارتيا ورتالىق كوميتەتى ٴار جىلى مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى پارتيا باسشىلىق گرۋپپالارىنىڭ قىزمەت مالىمەتىن جانە ورتالىق كوميتەت شۋجيچۋىنىڭ قىزمەت بايانداماسىن ارنايى تىڭداپ كەلەدى، بۇل پارتيانىڭ جالپى بەتتىك باسشىلىعىنا تاباندى بولۋ جانە ونى كۇشەيتۋدەگى ماڭىزدى تۇزىمدىك ورنالاستىرۋ. اماليات بۇل تۇزىمدىك ورنالاستىرۋدىڭ پارتيانىڭ جالپى جاعدايدى تۇگەل مەڭگەرىپ، ٴار جاقتى سايكەستىرۋىنە ٴتيىمدى ەكەندىگىن، پارتيانىڭ ىنتىماعىن، بىرلىگىن جانە قۇدىرەتتى جاۋىنگەرلىك قۋاتىن ساقتاۋعا ٴتيىمدى ەكەندىگىن، جۇڭگوشا سوتسياليستىك ٴتۇزىمنىڭ ابزالدىلىعىن ساۋلەلەندىرۋگە ٴتيىمدى ەكەندىگىن دالەلدەدى. بۇل رەتكى ٴماجىلىس پارتيا 20 ـ قۇرىلتايىنان كەيىن ورتالىق كوميتەت ساياسي بيۋروسى تۇراقتى كوميتەتىنىڭ تۇڭعىش رەت 5 پارتيا باسشىلىق گرۋپپاسىنىڭ قىزمەت مالىمەتىن جانە ورتالىق كوميتەت شۋجيچۋىنىڭ قىزمەت بايانداماسىن تىڭداۋى، مۇنداعى ماقسات _ وسى تۇزىمگە ويداعىداي تاباندى بولۋ، ونى ويداعىداي كەمەلدەندىرۋ.
ٴماجىلىس بىلاي دەپ قارادى: پارتيا 20 ـ قۇرىلتايىنان بەرى مەملەكەتتىك حالىق قۇرىلتايى تۇراقتى كوميتەتىنىڭ، مەملەكەتتىك كەڭەستىڭ، مەملەكەتتىك ساياسي كەڭەستىڭ، ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ پارتيا باسشىلىق گرۋپپالارى شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا ورتالىق كوميتەتىنىڭ بەدەلى مەن ورتالىقتانعان ٴبىر تۇتاس باسشىلىعىن باتىل قورعاپ، پارتيا 20 ـ قۇرىلتايىنىڭ رۋحىن مۇقيات ۇيرەنىپ، دايەكتىلەندىرىپ، تياناقتاندىرىپ، پارتيا مەن مەملەكەت قىزمەتىنىڭ جالپى جاعدايىن ارقاۋ ەتە وتىرىپ مىندەت اتقارىپ، جاۋاپكەرشىلىكتى ادا ەتىپ، پارتيا باسشىلىق گرۋپپاسىنىڭ وزىندىك قۇرىلىسىن شىنايى كۇشەيتىپ، پارتيانى جاپپاي قاتاڭ باسقارۋ جاۋاپكەرشىلىگىن مۇقيات اتقارىپ، ەكونوميكانىڭ دامۋىن ىلگەرىلەتۋگە، قوعامنىڭ ورنىقتىلىعىن ساقتاۋعا بەلسەنە ۇلەس قوسىپ، ٴار جاقتاعى قىزمەتتەردە تىڭ ونىمدىلىكتەرگە قول جەتكىزدى.
ٴماجىلىس بىلاي دەپ قارادى: پارتيا 20 ـ قۇرىلتايىنان بەرى ورتالىق كوميتەت ساياسي بيۋروسىنىڭ، ورتالىق كوميتەت ساياسي بيۋروسى تۇراقتى كوميتەتىنىڭ باسشىلىعىندا، جاڭا كەزەكتى ورتالىق كوميتەت شۋجيچۋى بەلسەندى، ىرىقتى تۇردە ىسكەرلىك كورسەتىپ، مىندەتىن مۇقيات اتقارىپ، جاۋاپكەرشىلىگىن ادا ەتىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن تياناقتاندىرۋدى ىلگەرىلەتۋ، پارتيا ىشىندەگى زاڭ ـ ەرەجە، ٴتۇزىم قۇرىلىسىن كۇشەيتۋ، بۇقارالىق ۇيىمدار قۇرىلىسى مەن رەفورماسىنا جەتەكشىلىك ەتۋ سياقتى جاقتاردا قىرۋار ٴونىمدى قىزمەتتەر ىستەدى.
ٴماجىلىس مىنالاردى باسا دارىپتەدى: بيىل _ جاڭا جۇڭگو قۇرىلعاندىعىنىڭ 75 جىلدىعى، ” 14ـ بەسجىلدىق“ جوبانىڭ نىسانا ـ مىندەتتەرىن جۇزەگە اسىرۋدىڭ شەشۋشى جىلى. مەملەكەتتىك حالىق قۇرىلتايى تۇراقتى كوميتەتىنىڭ، مەملەكەتتىك كەڭەستىڭ، مەملەكەتتىك ساياسي كەڭەستىڭ، ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ پارتيا باسشىلىق گرۋپپالارى شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتىپ، ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى جالپى ٴماجىلىسىنىڭ رۋحىن جاپپاي دايەكتىلەندىرىپ، پارتيا ورتالىق كوميتەتىنىڭ ورتالىقتانعان ٴبىر تۇتاس باسشىلىعى سىندى وسى ەڭ جوعارى ساياسي پرينسيپكە تاباندى بولىپ، جۇڭگو ۇلگىسىندەگى وسىزامانداندىرۋدى ىلگەرىلەتۋ سىندى وسى ەڭ ۇلكەن ساياسيدى مىقتاپ ارقاۋ ەتىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، قايراتتانا العا ۇمتىلىپ، باتىلدىقپەن ىستەپ، شەبەرلىكپەن ٴىس تىندىرىپ، پارتيا ورتالىق كوميتەتىنىڭ ٴبىر تۇتاس قولباسشىلىعىندا سايكەسە قيمىلداپ، ”ناقتىلاندىرۋمەن“ تىعىز بايلانىستىرىپ، پارتيا 20 ـ قۇرىلتايىنىڭ ستراتەگيالىق ورنالاستىرۋىن دايەكتىلەندىرۋدى، تياناقتاندىرۋدى ويداعىداي يگەرىپ، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ٴىسىن ىلگەرىلەتۋگە اناعۇرلىم زور ۇلەس قوسۋى كەرەك.
ٴماجىلىس مىنالاردى باسا دارىپتەدى: جاڭا ٴبىر جىلدا ورتالىق كوميتەتتىڭ شۋجيچۋى ورتالىق كوميتەت ساياسي بيۋروسىنىڭ، ورتالىق كوميتەت ساياسي بيۋروسى تۇراقتى كوميتەتىنىڭ ورنالاستىرۋلارى مەن تالاپتارىن ارقاۋ ەتىپ، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى جالپى ٴماجىلىسىنىڭ رۋحىن جاپپاي دايەكتىلەندىرىپ، ٴوز قىزمەت جاۋاپكەرشىلىگىن تياناق ەتىپ، ساياسي جاۋاپكەرشىلىك ارقالاۋدى كۇشەيتىپ، تىڭعىلىقتى مىندەت اتقارىپ، جاۋاپكەرشىلىكتى ادا ەتىپ، كەڭەسۋ، ٴىس ٴبىتىرۋ دەڭگەيىن جوعارىلاتىپ، ٴتۇيىندى كورنەكتىلەندىرىپ، تياناقتاندىرۋدى مىقتى يگەرىپ، پارتيا ورتالىق كوميتەتى تاپسىرعان ٴتۇرلى مىندەتتەردى ۇزدىكسىز ويداعىداي ورىنداۋى كەرەك.
