□ انار بۇلت \ شينجياڭ گازەتىنىڭ ٴتىلشىسى شى شين
جاڭا ٴداۋىردىڭ جاڭا كەزەڭىندەگى دامۋ، ٴسوز جوق، جوعارى ساپالى دامۋ بولۋى كەرەك. اۆتونوميالى رايوندىق 10 ـ كەزەكتى پارتكوم ونىنشى جالپى ٴماجىلىسىنىڭ اشىلۋى جوعارى ساپالى دامۋدى، ٴسوز جوق، باتىل ىلگەرىلەتۋدىڭ كۇشتى سيگنالىن تاعى دا ايقىن تاراتتى. شينجياڭنىڭ جەر ـ جەرى، ورىندارى ورتالىقتىڭ ەكونوميكالىق قىزمەت ٴماجىلىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ ورنالاستىرۋلارىن تياناقتاندىرىپ، ىستەۋدى ماڭداي الدى ورىنعا قويىپ، بارلىق ٴتيىمدى ورايدى يگەرىپ، بارلىق ٴتيىمدى شارت ـ جاعدايدان پايدالانىپ، بيىلعى ەكونوميكالىق قىزمەتتىڭ تىڭ ساتىعا كوتەرىلۋىن ىلگەرىلەتتى.
2024 ـ جىلى جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعى، ”14 ـ بەسجىلدىق“ جوبانى اتقارۋداعى شەشۋشى ٴبىر جىل.
”جالپى ٴماجىلىس جوعارى ساپالى دامۋ سىندى جاڭا داۋىردەگى بۇلجىماس قاعيدانى تەرەڭ يگەرىپ، جاعدايعا دالمە ـ ٴدال تالداۋ جاساپ جانە ونى تۇجىرىمداپ، بيىلعى قىزمەتتەردى ٴبىر تۇتاس جوسپارلادى، بۇل ادامدى ەرەكشە شابىتتاندىرىپ، ەكپىندەي ىلگەرىلەۋگە جەبەدى“. اۆتونوميالى رايوندىق دامۋ جانە رەفورما كوميتەتى پارتيا باسشىلىق گرۋپپاسىنىڭ شۋجيى ۋاڭ كۇيران بىلاي دەدى: دامۋ جانە رەفورما جۇيەسى يدەيانى ونان ارى ازات ەتىپ، شىندىقتى ٴىس جۇزىنەن ىزدەپ، جۇيە كوزقاراسىن قولدانۋعا تاباندى بولىپ، كورەگەندىكپەن وي جۇگىرتۋدى، جالپى جاعداي تۇرعىسىنان جوبالاۋدى، جالپى تۇلعالىق ىلگەرىلەتۋدى كۇشەيتىپ، اۆتونوميالى رايوندىق پارتكوم مەن ۇكىمەتتىڭ بيىلعى ەكونوميكالىق قىزمەت جونىندەگى جالپى تالابىن، مەجەلى نىساناسىن، ٴتۇيىندى مىندەتتەرىن دامۋ جانە رەفورما قىزمەتىنىڭ ۋاقىت كەستەسىنە، جول كارتاسىنا، مىندەت حاتىنا، جاۋاپكەرشىلىك حاتىنا ەگجەي ـ تەگجەيلىلەندىرۋگە، ناقتىلاندىرۋعا، اينالدىرۋعا قۇلشىنىپ، ٴاردايىم قام جەپ تۇراتىن جاۋاپكەرشىلىك سەزىممەن ”بىرەۋى ارقىلى بارىنە اسەر ەتەتىن“ شەشۋشى بۋىندار مەن كەلەلى مىندەتتەردى ٴجىتى قاداعالاپ، ٴبىر دارەجە ٴبىر دارەجەنى جەتەكتەپ، ٴبىر دارەجە ٴبىر دارەجەنى يگەرىپ، تۇتاس رايونىمىزدىڭ دامۋ جانە رەفورما جۇيەسىنىڭ ٴبىر بەتالىسپەن دامۋعا ۇمتىلۋىنا، بىركەلكى اياق الىسپەن تياناقتاندىرۋدى يگەرۋىنە شىنايى كەپىلدىك ەتىپ، شينجياڭنىڭ جوعارى ساپالى دامۋ بارىسىندا جاڭا جاۋاپكەرشىلىكتى ايگىلەۋگە، تىڭ ىسكەرلىك كورسەتۋگە قۇلشىنۋ كەرەك.
”دەرەۋ اتتانىسقا كەلىپ، ارتىقشىلىقتى ساۋلەلەندىرىپ، ەرەكشەلىكتى كورنەكتىلەندىرۋ كەرەك“. قىزىلسۋ قىرعىز اۆتونوميالى وبلىستىق پارتكومنىڭ ورىنباسار شۋجيى، وبلىس باستىعى ورازالى قاشقارباي مىنالاردى ٴبىلدىردى: جالپى ٴماجىلىستىڭ ٴتۇرلى قىزمەت ورنالاستىرۋلارىن مۇقيات تياناقتاندىرىپ، مەملەكەتتىڭ، اۆتونوميالى رايوننىڭ وڭتۇستىك شينجياڭنىڭ دامۋىن قولدايتىن جەلىلەس ەرەكشە ٴتيىمدى ساياساتتارى مەن شارالارىنان ويداعىداي، جاندى پايدالانىپ، بايلىق ارتىقشىلىعىن، وڭىرلىك ورىن ابزالدىلىعىن جانە كاسىپ سالاسى نەگىزىن تياناق ەتىپ، ”8 ٴىرى كاسىپ سالاسى شوعىرى“ قۇرىلىسىن، اسىرەسە، جاسىل كەن كاسىبىنىڭ دامۋىن بار كۇشپەن ىلگەرىلەتىپ، كاسىپ سالاسىنىڭ تىزبەگىن ۇزارتۋدى، تىزبەگىن تولىقتاۋدى، تىزبەگىن كۇشەيتۋدى، تىزبەگىن كەڭەيتۋدى ويداعىداي ىستەپ، ەكونوميكالىق دامۋدىڭ جاڭا قوزعالتقىشىن قالىپتاستىرۋ كەرەك.
جالپى ٴماجىلىس مىنالاردى العا قويدى: رەفورمانى جاپپاي تەرەڭدەتۋدى ىشكەرىلەي ىلگەرىلەتىپ، جوعارى ساپالى دامۋعا ۇزدىكسىز قۋاتتى قوزعاۋشى كۇش ۇستەۋ كەرەك. مۇنىڭ ىشىندە ٴبىر توپ ستراتەگيالىق سيپاتتى، جاسامپازدىق سيپاتتى، جەتەكشىلىك سيپاتتى رەفورمانى جوسپارلاپ اتقارۋ ورتاعا قويىلدى.
”ٴماجىلىس بيىلعى ەكونوميكالىق قىزمەتتىڭ دامۋ جوباسىن سۇلبالاپ، جاعدايعا تالداۋ جاساۋىنىڭ تۇرعىسى كەڭ، قىزمەتتەردى ورنالاستىرۋ وي جەلىسى ايقىن بولىپ، ٴبىزدىڭ تۇتاس جىلدىق قىزمەتتى ويداعىداي ىستەۋىمىزگە نىسانا بەلگىلەپ، ايقىن باعدار كورسەتتى“. اۆتونوميالى رايوندىق سيفرلاندىرىپ دامىتۋ مەكەمەسى پارتيا باسشىلىق گرۋپپاسىنىڭ شۋجيى لي چاڭشيۋ بىلاي دەپ تانىستىردى: 2023 ـ جىلى اۆتونوميالى رايوندىق سيفرلاندىرىپ دامىتۋ مەكەمەسى ماڭدايشالىق اشىپ قۇرىلىپ، بۇكىل رايوننىڭ سيفرلى ۇكىمەت قۇرىلىسىن تىڭعىلىقتى ىلگەرىلەتۋ ٴۇشىن، اۆتونوميالى رايوننىڭ ”ٴبىر جەلى“، ”ٴبىر بۇلت“ جوباسى بويىنشا نەگىزدى بەكەمدەۋ، ٴتۇزىلىس ـ مەحانيزمدى رەتتەۋ، ساندى مالىمەت بايلىعىن ٴبىر تۇتاس جوسپارلاۋ سياقتى قىزمەتتەردى ويداعىداي ىستەۋدە. ”باتىلدىقپەن جاۋاپكەرشىلىك ارقالاپ، بەلسەنە ىسكەرلىك كورسەتىپ، سيفرلى ۇكىمەت قۇرىلىسىن جەدەلدەتىپ، سيفرلى ەكونوميكانى زور كۇشپەن دامىتىپ، سيفرلى شينجياڭ قۇرۋعا قۇلشىنىپ، سيفرلى دامۋدىڭ جاڭا ناتيجەلەرى ارقىلى جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە پارمەندى تىرەك ازىرلەيمىز“، ـ دەدى ول.
2023 ـ جىلى قاشقار ايماعىنىڭ ەكونوميكاسىندا ورنىقتىلىق بارىسىندا ىلگەرىلەۋ، مەجە جاقسارۋ، ساپا ونىمدىلىگى جوعارىلاۋ سىندى تاماشا جاعداي جارىققا شىقتى.
”جالپى ٴماجىلىس بۇكىل رايوننىڭ ەكونوميكالىق قىزمەتىن ويداعىداي ىستەۋگە ايقىن بەتالىس كورسەتتى، ٴبىزدىڭ ەكونوميكانىڭ، قوعامنىڭ جوعارى ساپالى دامۋىن جەدەل ىلگەرىلەتۋ سەنىمىمىز بەن بەكىمىمىزدى اناعۇرلىم بەكەمدەدى“. قاشقار ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ٴۋاليى ٴانۋار تۇرسىن بىلاي دەپ تانىستىردى: جاڭا جىل باستالىسىمەن قاشقار ايماعى 2024 ـ جىلعى جاڭاشا ونەركاسىپتەندىرۋدى جانە باقشا رايونىنىڭ جوعارى ساپالى دامۋىن ىلگەرىلەتۋ قىزمەت ٴماجىلىسىن اشتى. ”پارتيا ورتالىق كوميتەتىنىڭ، اۆتونوميالى رايوندىق پارتكومنىڭ وڭتۇستىك شينجياڭنىڭ جوعارى ساپالى دامۋىن قولداۋداعى ساياساتتىق پايداسىنان تولىق، ويداعىداي پايدالانىپ، شىنايى يگەرىپ ناقتى ىستەپ، ەرلىكپەن العا ۇمتىلىپ، كاسىپ سالاسىنىڭ دامۋىن ىلگەرىلەتۋ، جۇمىستانۋعا جەتەكتەۋ، كىرىستى ارتتىرۋدى جەبەۋ، باياندى ورنىقتىلىقتى ساقتاۋ جاعىنا كۇش سالىپ، كورىكتى شينجياڭ قۇرۋعا قاشقاردىڭ كۇش ـ قۋاتىن ارنايمىز“.
جالپى ٴماجىلىس ’”بىرەۋى ارقىلى بارىنە اسەر ەتەتىن‘ ٴبىر توپ كەلەلى نىسانداردى عىلمي جوسپارلاپ اتقارۋدى“، ”نەگىزدىك قۇرىلعىلارداعى ولقىلىقتاردى جەدەل تولىقتاۋدى“ العا قويدى. بۇل شينجياڭ قاتىناسقا قارجى قوسۋ (توبى) شەكتى جاۋاپكەرشىلىك سەرىكتەستىگى پارتكومىنىڭ شۋجيى، القا باستىعى سۇن زىچياڭدى شەكسىز جەلپىندىرىپ، كۇش ـ قۋاتىن تاسقىنداتتى.
”ۋاقىت كۇتىپ تۇرمايدى. ەكونوميكالىق، قوعامدىق دامۋدىڭ ورنىقتىرعىشى رەتىندە، مەملەكەت مەنشىگىندەگى كاسىپورىندار بورىشتى باتىلدىقپەن ارقالاپ، دامۋدىڭ جاڭا ٴورىسىن اشۋى كەرەك“. سۇن زىچياڭ بىلاي دەدى: ٴونىمدى قارجى قوسۋدىڭ شەشۋشى رولىن ساۋلەلەندىرۋ ٴۇشىن، بيىل شينجياڭ قاتىناسقا قارجى قوسۋ توبى نىسانعا قارجى قوسۋ قۇرىلىسى قىزمەتىن ۇزدىكسىز جوعارى كۇشەمەلىلىكپەن ىلگەرىلەتىپ، G30 ليانيۇنگاڭ _ قورعاس جوعارى جىلدامدىقتى تاس جولىنىڭ شيڭشيڭشيادان قۇمىلعا دەيىنگى بولىگىن، قۇمىلدان تۇيىققا دەيىنگى بولىگىن وزگەرتىپ، كەڭەيتىپ سالۋ سياقتى قۇرىلىسى جالعاستىرىلاتىن نىسانداردى ويداعىداي ىستەپ، ٴبىر توپ جاڭا نىسانداردى جەدەل جوسپارلاپ اتقارادى. سونىمەن بىرگە ۇكىمەت پەن قوعامدىق كاپيتالدىڭ سەلبەستىك جاڭا مەحانيزمىنەن ويداعىداي پايدالانىپ، قوعامدىق كاپيتالدى كەلەلى نىساندارعا قارجى قوسۋعا شابىتتاندىرادى. جوعارى جىلدامدىقتى تاس جولدىڭ قىزمەت وتەۋ ساپاسىن ونان ارى جوعارىلاتىپ، ”قاتىناستا قۋاتتى ەل“ قۇرىلىسىن ىلگەرىلەتۋگە پارمەندى قامتاماسىزدىق ازىرلەيدى.
