□ئانار بۇلۇت\شىنجاڭ گېزىتى مۇخبىرى فەن چيۇڭيەن
تۈر ماتېرىياللىرىنى رەتلەش، كېڭىشىش تەرتىپىنى پىششىق بىلىش، كېڭىشىش جەريانىدا كۆرۈلۈش ئېھتىمالى بولغان مەسىلىلەرگە ئالدىن ھۆكۈم قىلىش... 7 ـ ئاينىڭ 24 ـ كۈنى، ئۈرۈمچىدىن بېيجىڭغا ئۇچقان نۆۋەتچى ئايروپىلاندا، پەن شىليې يەنە كېيىنكى تۈر كېڭىشىگە تەييارلىق قىلىۋاتاتتى.
پەن شىليې جۇڭگو پەنلەر ئاكادېمىيەسى شىنجاڭ فىزىكا ـ خىمىيە تېخنىكا تەتقىقات ئورنىنىڭ باشلىقى، ئاپتونوم رايونلۇق چياۋمىنلار بىرلەشمىسىنىڭ قوشۇمچە ۋەزىپىدىكى مۇئاۋىن رەئىسى. 15 يىل ئىلگىرى، ئۇ ئامېرىكىدىكى ياخشى تۇرمۇشتىن ۋاز كېچىپ شىنجاڭغا كېلىپ يىلتىز تارتىپ، شىنجاڭ فىزىكا ـ خىمىيە تېخنىكا تەتقىقات ئورنىدا يېڭى تىپتىكى فوتو ئېلېكتىر فۇنكسىيە ماتېرىياللىرى كوللېكتىپىنى قۇردى. بۇ يىللاردىن بۇيان، ئۇ ئىككى تۈردە ئاپتونوم رايون بويىچە تەبىئىي پەن 1 ـ دەرىجىلىك مۇكاپاتىغا، ئۈچ تۈردە پەن ـ تېخنىكا تەرەققىياتى بويىچە 1 ـ دەرىجىلىك مۇكاپاتقا ئېرىشكەن بولۇپ، دۆلىتىمىزنىڭ يېڭى تىپتىكى فوتو ئېلېكتىر فۇنكسىيە كىرىستال ماتېرىيال ساھەسىدىكى باشلامچى شەخس ھېسابلىنىدۇ.
ئاپتونوم رايونلۇق 7 ـ قېتىملىق ۋەتەنگە قايتقان چياۋمىنلار ۋە چياۋمىنلار ئائىلە تەۋەلىرى قۇرۇلتىيىدىن بۇيان، ئاپتونوم رايونلۇق ۋەتەنگە قايتقان چياۋمىنلار بىرلەشمىسى ۋەتەنگە قايتقان كەڭ چياۋمىنلار، چياۋمىنلار ئائىلە تەۋەلىرى ۋە چەت ئەلدىكى چياۋمىن قېرىنداشلارنى ئىتتىپاقلاشتۇرۇپ، سەپەرۋەر قىلىپ، يېڭى دەۋر، يېڭى مۇساپىدە گۈزەل شىنجاڭ قۇرۇپ چىقىش ئۈچۈن بوشاشماي كۈرەش قىلدى. ھەر مىللەت ۋەتەنگە قايتقان چياۋمىنلار ۋە چياۋمىنلار ئائىلە تەۋەلىرى، كەڭ چياۋمىنلار بىرلەشمىسى خىزمەتچىلىرى تىيانشاننىڭ جەنۇبى ـ شىمالىدا ۋەتەننى سۆيۈپ ئۆزىنى بېغىشلاش، تۆھپە قوشۇپ نەتىجە يارىتىشتەك كىشىنى پەخىرلەندۈرىدىغان سەھىپىلەرنى پۈتتى.
ئەڭ چوڭ مەركەزداش چەمبەرنى ياخشى سىزىش
بەش يېشىدا ئانىسى بىلەن ۋەتەنگە قايتقان، ھازىر 86 ياشقا كىرگەن جوۋ شۈخەن ئەسكەر بولغان چېغىدا شىنجاڭ ـ شىزاڭ تاشيولىنى ياساشقا، قىسىمنىڭ نۇقتىلىق كاپالەت ۋەزىپىسىگە قاتناشقان، «شىنجاڭنىڭ ئىقتىساد، جەمئىيەت تەرەققىياتىدىكى ئۆزگىرىشلەرنىڭ قاتناشقۇچىسى، باشتىن كەچۈرگۈچىسى، گۇۋاھچىسى بولۇش سۈپىتىم بىلەن، مەن ۋەتىنىمىزنىڭ قۇدرەت تاپقانلىقىنى، يەنە قەددىمىزنىڭ رۇسلانغانلىقىنى ھەقىقىي ھېس قىلدىم» دېدى ئۇ.
بۈگۈنكى كۈندە، ھەر مىللەت ۋەتەنگە قايتقان چياۋمىنلار ۋە چياۋمىنلار ئائىلە تەۋەلىرى شىنجاڭنىڭ تەرەققىياتى، ئۆزگىرىشلىرىدىن چەكسىز ئىپتىخارلاندى، يېڭى دەۋردىكى پارتىيەنىڭ شىنجاڭنى ئىدارە قىلىش تەدبىرىگە قارىتا ئىشەنچى تولۇپ تاشتى، جۇڭگوچە سوتسىيالىزم يولىدا مېڭىش، جۇڭخۇا مىللىتىنىڭ ئۇلۇغ گۈللىنىشىدىن ئىبارەت جۇڭگو ئارزۇسىنى ئىشقا ئاشۇرۇشقا قارىتا تولۇپ تاشقان ئۈمىدكە تولدى.
«توغرا قىلدىڭىز!» 7 ـ ئاينىڭ 25 ـ كۈنى، ئاقسۇ شەھىرىنىڭ ئاھالىسى گو يۇڭبىن گوللاندىيەدە خىزمەت قىلىۋاتقان قىزى بىلەن سىنلىق سۆزلەشتى، قىزىنىڭ شۇ جايدىكى خۇارېنلار ئۆزلۈكىدىن تەشكىللىگەن تەشۋىقات پائالىيىتىگە قاتنىشىپ، ئۆز كەچۈرمىشىنى مىسال قىلىپ سۆزلەپ، ئامېرىكا ۋە غەربتىكى بىر قىسىم دۆلەتلەرنىڭ شىنجاڭغا بوھتان چاپلاش ۋە قارا چاپلاش قىلمىشىغا رەددىيە بەرگەنلىكىنى بىلگەندە، ئۇ ئەنە شۇنداق ماختىدى.
دۇنياغا جۇڭگو شىنجاڭ ھېكايىسىنى ياخشى سۆزلەش ئۈچۈن، ئاپتونوم رايونلۇق چياۋمىنلار بىرلەشمىسى چەت ئەلدىكى خۇاچياۋ، خۇارېنلار ۋە چەت ئەللىك دوستلارنى كۆپ قېتىم تەكلىپ قىلىپ، شىنجاڭدا «چەت ئەلدىكى چياۋمىن قېرىنداشلارنىڭ يۇرت سەپىرى − شىنجاڭغا كېلىش» تەكشۈرۈش، ئېكسكۇرسىيە قىلىش، يىلتىز ئىزدەش قاتارلىق پائالىيەتلەرنى قانات يايدۇردى؛ شىنجاڭ سىفەن داشۆسى خەلقئارا مەدەنىيەت ئالماشتۇرۇش شۆيۈەنى بىلەن ھەمكارلىشىپ، «جۇڭخۇاغا مۇھەببەت . سىزگە ھېكايە سۆزلەپ بېرەي» «يىلتىز ئىزدەش سەپىرى» تور يازلىق (قىشلىق) لاگېر پائالىيىتىنى قەرەللىك قانات يايدۇردى، نۇرغۇن دۆلەتتىن كەلگەن 1000دىن ئارتۇق ئوقۇغۇچى پائالىيەتكە قاتنىشىپ، خۇايى ياشلار، ئۆسمۈرلەرنىڭ جۇڭخۇا مەدەنىيىتىنى قەلبتىن ئېتىراپ قىلىش ھېسسىياتى ۋە يېقىنلىق تۇيغۇسىنى كۈچەيتتى.
7 ـ ئاينىڭ 24 ـ كۈنى سائەت 6دە، سانجى شەھەرلىك سىياسىي كېڭەشنىڭ ئەزاسى، سانجى شەھەرلىك چياۋمىنلار بىرلەشمىسىنىڭ قوشۇمچە ۋەزىپىدىكى مۇئاۋىن رەئىسى جوۋ گوپىڭ ئورنىدىن تۇرۇپ شۇ جايدىكى ئەمگەك ـ مۇلازىمەت بازىرىغا ماڭدى. سالمىقى بار تەكلىپلەرنى يېزىش ئۈچۈن، ئۇ دائىم ئىشتىن سىرتقى ۋاقىتلىرىدىن پايدىلىنىپ چوڭقۇر تەكشۈرۈپ تەتقىق قىلدى. ئۇزاقتىن بۇيان، پۈتۈن ئاپتونوم رايونىمىزدىكى ھەر دەرىجىلىك چياۋمىنلار ساھەسىدىكى خەلق قۇرۇلتىيى ۋەكىللىرى، سىياسىي كېڭەش ئەزالىرى پائال تەكلىپ ۋە مەسلىھەت بېرىپ، مۇقىملىق، تەرەققىيات ئومۇمىي ۋەزىيىتى ۋە چياۋمىنلارغا مۇناسىۋەتلىك قىزىق نۇقتا، قىيىن نۇقتا مەسىلىلىرىنى چۆرىدەپ، تەكشۈرۈپ تەتقىق قىلىشنى چوڭقۇر قانات يايدۇرۇپ، تەكلىپ لايىھەسى، تەكلىپ ۋە تەۋسىيەلەرنى تاپشۇرۇپ، ئاپتونوم رايونىمىزنىڭ جەمئىيەت مۇقىملىقى ۋە ئەبەدىي ئەمىنلىكى، ئىقتىسادىي تەرەققىياتى ۋە خەلق تۇرمۇشى قۇرۇلۇشىنى ئىلگىرى سۈرۈش ئۈچۈن مۇھىم رولىنى جارى قىلدۇردى.
2020 ـ يىلى يېڭى تىپتىكى تاجسىمان ۋىرۇسلۇق ئۆپكە ياللۇغى يۇقۇمى يۈزبەرگەندىن كېيىن، پۈتۈن ئاپتونوم رايوندىكى ھەر دەرىجىلىك چياۋمىنلار بىرلەشمىسى چياۋمىنلار ساھەسىدىكى ئاممىنى يۇقۇمغا ئىلمىي تاقابىل تۇرۇشقا پائال يېتەكلىدى، كەڭ چياۋمىن قېرىنداشلار چاقىرىققا ئاكتىپ ئاۋاز قوشۇپ، بەس ـ بەستە پۇل ۋە ماددىي بۇيۇم ئىئانە قىلدى، ھەر دەرىجىلىك چياۋمىنلار بىرلەشمىسىدىكى كادىرلار، ئىشچى ـ خىزمەتچىلەر تۈرلۈك پىدائىي مۇلازىمىتى پائالىيەتلىرىگە پائال قاتنىشىپ، يۇقۇمغا تاقابىل تۇرۇش ئۈچۈن پائال تۆھپە قوشتى.
بۈيۈك ئىتتىپاقلىق، بۈيۈك بىرلىشىش ئارقىلىق ئەڭ چوڭ مەركەزداش چەمبەر سىزىپ چىقىلدى، پۈتۈن ئاپتونوم رايوندىكى ھەر دەرىجىلىك چياۋمىنلار بىرلەشمىلىرى ۋەتەنگە قايتقان كەڭ چياۋمىنلار، چياۋمىنلار ئائىلە تەۋەلىرى ۋە چەت ئەلدىكى چياۋمىن قېرىنداشلارنى ئىتتىپاقلاشتۇرۇپ، ئۇيۇشتۇرۇپ، بىر نىيەتتە ئويلاپ، بىر مەقسەتتە كۈچ چىقىرىپ، جۇڭگو ئارزۇسىنى ئورتاق ئىشقا ئاشۇرۇش ۋە ئۇنىڭدىن ئورتاق بەھرىمەن بولۇش قۇدرەتلىك كۈچىنى مۇجەسسەملىدى.
يۇقىرى سۈپەتلىك تەرەققىياتنى ئىلگىرى سۈرۈش
جۇڭگو نېفىت داشۆ(بېيجىڭ)سى قاراماي مەكتەپ رايونىنىڭ 2020 ـ يىلى ئوقۇش پۈتكۈزگەن ئوقۇغۇچىسى لياۋ سەييۈەن پات ـ پات مەكتەپكە قايتىپ كېلىپ، داشۆدىكى سىنىپ مەسئۇلى، سانائەت شۆيۈەنى ماشىنىسازلىق فاكۇلتېتىنىڭ دوتسېنتى يۈ خۇالۇڭنى ئىزدەپ ئۇنىڭدىن تېخنىكىلىق قىيىن مەسىلىلەرنى سورايدۇ.
چەت ئەلدە ئوقۇپ ۋەتەنگە قايتقاندىن كېيىن، يۈ خۇالۇڭ جۇڭگو نېفىت داشۆ(بېيجىڭ)سى قاراماي مەكتەپ رايونىدا ماگىستىر يېتەكچىسى بولدى، بۇ يىل 7 ـ ئايغىچە ئۇ ئۈچ قارار ئوقۇش پۈتكۈزگەن ئوقۇغۇچىلارنى يېتەكلەپ، نېفىت كەسپى ئۈچۈن چېگرا رايوندا يىلتىز تارتىپ، دادىل يېڭىلىق يارىتىدىغان بىر تۈركۈم مۇنەۋۋەر ئىختىساسلىقلارنى يېتىشتۈردى.
بۇلتۇر، يۈ خۇالۇڭ يېڭى سالاھىيەتكە ئىگە بولدى − قاراماي شەھەرلىك چياۋمىنلار بىرلەشمىسىنىڭ قوشۇمچە ۋەزىپىدىكى مۇئاۋىن رەئىسى بولدى. ئۇ مۇنداق دېدى: مېنىڭ ئارزۇيۇم مەكتەپ رايونىنىڭ قارامايغا ماكانلىشىشتىكى ئەسلىي مەقسىتى بىلەن بىردەك، يەنى يىپەك يولى ئىقتىساد بەلبېغى يادرولۇق رايونى قۇرۇلۇشى ئۈچۈن يۇقىرى قاتلاملىق، خەلقئارالاشقان ۋە قوللىنىشچان نېفىت ئىختىساسلىقلىرىنى كۆپرەك يېتىشتۈرۈش.
يېقىنقى يىللاردىن بۇيان، پۈتۈن ئاپتونوم رايوندىكى ھەر دەرىجىلىك چياۋمىنلار بىرلەشمىلىرى ۋەتەنگە قايتقان قىيىنچىلىقى بار چياۋمىنلار ۋە چياۋمىنلار ئائىلە تەۋەلىرى مەركەزلەشكەن ۋىلايەت، ئوبلاست، شەھەرلەردە كەشتىچىلىك، ئېلېكتىرونلۇق سودا ساياھىتى، باقمىچىلىق تېخنىكىسى بويىچە تەربىيەلەشنى قانات يايدۇردى، شىنجاڭ سىرتىدىكى كارخانىلاردىن 1 مىليارد يۈەن تۈر مەبلىغى كىرگۈزۈپ، نامراتلىقتىن قۇتۇلدۇرۇش ئۆتكىلىگە ھۇجۇم قىلىش جېڭىدە قەرەلىدە غەلىبە قىلىش ئۈچۈن تۆھپە قوشتى.
ئۈرۈمچى شەھەرلىك چياۋمىنلار بىرلەشمىسى يېڭىلا ئاخىرلاشتۇرغان «جۇڭخۇاغا مۇھەببەت . يېزا ـ كەنتلەرنى گۈللەندۈرۈش» ئېلېكتىرونلۇق سودا بويىچە توردا تەربىيەلەش كۇرسى چياۋمىن سودىگەرلەر ۋە ۋەتەنگە قايتقان چياۋمىنلار، چياۋمىنلار ئائىلە تەۋەلىرىنىڭ ناھايىتى ياقتۇرۇشىغا ئېرىشتى. ئۈرۈمچى شەھەرلىك چياۋمىنلار بىرلەشمىسى پارتىيە گۇرۇپپىسىنىڭ مۇئاۋىن شۇجىسى، رەئىس ۋاڭ گۇەن مۇنداق دېدى: «بىز دۆلەت ئىچىدىكى داڭلىق مۇتەخەسسىسلەرنى دەرس ئۆتۈشكە تەكلىپ قىلىپ، ياخشى ئۈنۈمگە ئېرىشتۇق، كېيىنكى مەزگىلدە يەنە ئىككى قارار تەربىيەلەش كۇرسى ئاچىمىز. بۇ، بىزنىڭ چياۋمىنلار ساھەسىنىڭ بىرلىشىشىنى كېڭەيتىشىمىزدىكى <دوستلار چەمبىرىكى>، چياۋمىنلار ئىشلىرى خىزمىتىنى يۇقىرى سۈپەتلىك ئالغا سىلجىتىشىمىزدىكى بىر قېتىملىق پايدىلىق ئەمەلىيەت».
ئاپتونوم رايونلۇق 7 ـ قېتىملىق ۋەتەنگە قايتقان چياۋمىنلار ۋە چياۋمىنلار ئائىلە تەۋەلىرى قۇرۇلتىيىدىن بۇيان، 7 ـ نۆۋەتلىك ئاپتونوم رايونلۇق چياۋمىنلار بىرلەشمىسى كومىتېتى كەڭ پارتىيە ئەزالىرى، كادىرلار ۋە ھەر مىللەت ۋەتەنگە قايتقان چياۋمىنلار، چياۋمىنلار ئائىلە تەۋەلىرى ھەم چەت ئەلدىكى چياۋمىن قېرىنداشلارنى ئىتتىپاقلاشتۇرۇپ ۋە يېتەكلەپ، ئىدىيەۋى ـ سىياسىي جەھەتتە يېتەكلەشنى سىجىل كۈچەيتىپ، چياۋمىنلار قەلبى پارتىيەگە تەلپۈنىدىغان ئىدىيەۋى ئورتاق تونۇشنى كەڭ دائىرىدە مۇجەسسەملەپ، شىنجاڭنىڭ يۇقىرى سۈپەتلىك تەرەققىياتىغا تۈرتكە بولىدىغان بىرىكمە كۈچنى مۇجەسسەملەپ، ئۈزلۈكسىز يېڭى ۋەزىيەت يارىتىپ، يېڭى شانلىق سەھىپىلەرنى داۋاملىق پۈتتى.
ئاپتونوم رايونلۇق چياۋمىنلار بىرلەشمىسى مەبلەغ جەلپ قىلىش، ئاقىللارنى كىرگۈزۈشنى چۆرىدەپ، كۆۋرۈكلۈك، ۋاسىتىلىك رولىنى جارى قىلدۇردى، ئىلگىرى ـ كېيىن بولۇپ 50 نەچچە دۆلەت ۋە رايوندىكى خۇاچياۋ، خۇارېنلار ئىجتىمائىي تەشكىلاتلىرى ۋە كارخانىلار ساھەسىنىڭ 100گە يېقىن مەسئۇلىنى جۇڭگو شىنجاڭغا كېلىپ جۇڭگو − ئاسىيا ـ ياۋروپا كۆرگەزمىسىگە قاتنىشىپ، تەكشۈرۈشتە بولۇش، پىكىر ئالماشتۇرۇش، مەبلەغ سېلىپ كەسىپلەرنى گۈللەندۈرۈشكە تەكلىپ قىلدى. چياۋمىن سودىگەرلەر ئۇيۇشمىسىنىڭ رولىنى تولۇق جارى قىلدۇرۇپ، چياۋمىن سودىگەرلەر، چياۋمىن كارخانىلىرى ئۆزىنى ئۆزى باشقۇرۇش، ئالماشتۇرۇش، ھەمكارلىشىش، جەمئىيەتكە مۇلازىمەت قىلىش سۇپىسى قۇردى. فۇجيەندە شىنجاڭ چياۋمىن سودىگەرلەر ئۇيۇشمىسى ئالاقىلىشىش ئورنى تەسىس قىلىپ، چياۋمىن سودىگەرلەر ئۈچۈن مۇلازىمەت قىلىشنىڭ ئەمەلىي ئۈنۈمىنى كۈچەيتتى؛ فۇجيەن ئۆلكىسى شيامېن شەھىرىدىكى ئالاقىدار تارماقلار بىلەن ئۇدۇللىشىپ، كارخانىچىلارنى شىنجاڭغا كېلىشكە تەكلىپ قىلىپ، ئىقتىساد ـ سودا سېلىنمىسى، سودا ھەمكارلىقى، شىنجاڭنى مەدەنىيەت ئارقىلىق ئوزۇقلاندۇرۇش قاتارلىق جەھەتلەردە ئالماشتۇرۇش پائالىيەتلىرىنى قانات يايدۇرۇپ، يىپەك يولى ئىقتىساد بەلبېغى يادرولۇق رايونى قۇرۇلۇشىغا كۈچ قوشۇپ، شىنجاڭ ئىقتىسادىنىڭ يۇقىرى سۈپەتلىك تەرەققىياتىنى ئىلگىرى سۈردى.
چياۋمىنلارغا ئىللىقلىق يەتكۈزۈش، چياۋمىنلارنى سۆيۈش، چياۋمىنلارنىڭ كۆڭلىنى خاتىرجەم قىلىش
ھازىرقى تۇرمۇشىنى تىلغا ئالغاندا، ئۈرۈمچى شەھىرى داۋانچىڭ رايونى ئاقسۇ يېزىسىنىڭ خۇاڭشۇيچۈەن كەنتىدىكى چارۋىچى تىلەۋبېك ۋاقىيتنىڭ چېھرىدە تەبەسسۇم جىلۋىلەندى. سەككىز يىل ئىلگىرى، ئۇلار بىر ئائىلە كىشىلىرى 100 كىۋادرات مېتىرلىق يېڭى ئۆيگە كۆچۈپ كىردى. بەش يىل ئىلگىرى، تىلەۋبېك ئوقۇش ياردەم پۇلىنىڭ كاپالىتىدە داشۆدىكى ئوقۇشنى ئوڭۇشلۇق تاماملىدى. بۈگۈنكى كۈندە، ئاتا ـ ئانىسىنىڭ تۇرمۇشى كاپالەتكە ئىگە بولدى، ئائىلىسى يەنە پىكاپ سېتىۋالدى، تۇرمۇشى بارغانسېرى ياخشىلاندى.
«مەن ئاپتونوم رايوننىڭ خەلققە نەپ يەتكۈزۈش سىياسىتىدىن مەنپەئەتلەنگۈچى، چەت ئەلدىكى ئاچام بىزنىڭ بەختلىك تۇرمۇشىمىزنى كۆرۈپ، بىز ئۈچۈن خۇشال بولدى» دېدى تىلەۋبېك.
ۋەتەنگە قايتقان كەڭ چياۋمىنلار، چياۋمىنلار ئائىلە تەۋەلىرى ۋە چەت ئەلدىكى چياۋمىن قېرىنداشلار چياۋمىنلار بىرلەشمىسىنىڭ تەشكىلىي ئاساسى ۋە ھاياتىي كۈچ مەنبەسى. يېقىنقى يىللاردىن بۇيان، پۈتۈن ئاپتونوم رايوندىكى ھەر دەرىجىلىك چياۋمىنلار بىرلەشمىلىرى تور توقۇپ ئۇلنى پۇختىلاپ، چياۋمىنلارنى قانۇن بويىچە قوغداپ، چياۋمىنلار ساھەسىدىكى ئاممىنىڭ ئېرىشىش تۇيغۇسى، بەخت تۇيغۇسى، بىخەتەرلىك تۇيغۇسىنى ئۈزلۈكسىز كۈچەيتتى، پۈتۈن ئاپتونوم رايوندىكى چياۋمىنلار بىرلەشمىلىرىنىڭ تۈرلۈك خىزمەتلىرىدىمۇ ئۈزلۈكسىز يېڭى ئىلگىرىلەشلەر قولغا كەلتۈرۈلدى.
سەككىز يىلدىن بۇيان، پۈتۈن ئاپتونوم رايوندىكى ھەر دەرىجىلىك چياۋمىنلار بىرلەشمىلىرى مەملىكەت ئىچى ـ سىرتىدىكى چياۋمىنلار ساھەسىدىكى مېھرىبان كىشىلەر بىلەن زىچ ئالاقىلىشىپ، ئاممىۋى پاراۋانلىق ـ خەيرىيەت پائالىيەتلىرى ئارقىلىق پۇل ئىئانە قىلىپ ئوقۇشقا ياردەم بېرىشنى پائال قولغا كەلتۈرۈپ، ئۈرۈمچى شەھەرلىك 23 ـ ئوتتۇرا مەكتەپ، 101 ـ ئوتتۇرا مەكتەپ، شىنجاڭ سىفەن داشۆسى شۆبە ئوتتۇرا مەكتىپى قاتارلىق نۇقتىلىق تولۇق ئوتتۇرا مەكتەپلەردە «جېنجۇ سىنىپى» «شۇرېن سىنىپى» ئېچىپ، ئەخلاقتىمۇ، ئۆگىنىشتىمۇ ئەلا بولغان، ئائىلىسىدە قىيىنچىلىقى بار 800 ئوقۇغۇچىغا ياردەم بەردى.
20 نەپەر ئاغرىقنىڭ ئوپېراتسىيە لايىھەسىنى بېكىتىش، ئەيئېر كۆز كېسەللىكلىرى گۇرۇھى قارمىقىدىكى بىرقانچە كۆز ئامبىرى بىلەن ئالاقىلىشىپ كۆز مۈڭگۈز پەردىسى ئىزدەش... چياۋمىنلار ئائىلە تەۋەسى، ئەيئېر ھەدىيە كۆز كېسەللىكلىرى دوختۇرخانىسىنىڭ مەسئۇلى گۈلشەن پەرھات «سىز مېنىڭ كۆزۈم» كۆز مۈڭگۈز پەردىسى كۆچۈرۈش جۇڭگو سەپىرى ئاممىۋى پاراۋانلىق تۈرى بويىچە شىنجاڭغا كېلىپ ئالدىنقى مەزگىللىك تەييارلىق خىزمەتلىرىنى ئىشلەش بىلەن ئالدىراش ئىدى. سەككىز يىلدىن بۇيان، جۇڭگو چياۋمىنلار بىرلەشمىسىنىڭ قوللىشى بىلەن، پۈتۈن ئاپتونوم رايوندىكى ھەر دەرىجىلىك چياۋمىنلار بىرلەشمىلىرى «چياۋمىنلار مېھىر ـ مۇھەببىتى» ئىللىقلىق يەتكۈزۈش، مېھىر ـ شەپقەت يەتكۈزۈش قاتارلىق تۈرلەرنى قانات يايدۇرۇپ، پۈتۈن شىنجاڭ بويىچە 4000 ئاغرىقنى تۈرلۈك ھەقسىز كۆز كېسەللىكلىرى ئوپېراتسىيەسى قىلدى.
بۇنىڭدىن باشقا، پۈتۈن ئاپتونوم رايوندىكى ھەر دەرىجىلىك چياۋمىنلار بىرلەشمىلىرى ۋە «ئەلرايىنى بىلىش، ئەلگە نەپ يەتكۈزۈش، ئەلنى مايىل قىلىش» بويىچە كەنتتە تۇرۇشلۇق خىزمەت ئەترەتلىرى ياردەم قىلىش ـ يۆلەش كەنتلىرىگە تۈرلۈك نامراتلارنى يۆلەش مەبلىغى سالدى ۋە كىرگۈزدى، 9 مىليون 650 مىڭ يۈەن ھال سوراش پۇلى ۋە تۈرلۈك ماددىي بۇيۇم تارقاتتى. جۇڭگو چياۋمىنلار بىرلەشمىسى ۋە باشقا ئۆلكە، ئاپتونوم رايون، بىۋاسىتە قاراشلىق شەھەرلەردىكى چياۋمىنلار بىرلەشمىلىرى، چياۋمىن قېرىنداشلار مەبلىغى بىلەن قۇرۇلغان مېھىر ـ شەپقەت كارخانىلىرىدىن 21 مىليون يۈەندىن ئارتۇق مەبلەغ، ماددىي ئەشيانى پائال قولغا كەلتۈرۈپ، ۋەتەنگە قايتقان قىيىنچىلىقى بار چياۋمىنلار ۋە چياۋمىنلار ئائىلە تەۋەلىرىدىن 1450 ئائىلە قېتىم ھال سورىدى، ھۆددە ئېلىپ ئالاقىلىشىدىغان كەنتلەردە كەنت ئاھالىلىرى مەدەنىيەت پائالىيەت مەركىزى قۇردى، قۇياش ئېنېرگىيەلىك يول چىرىغى ئورناتتى، «ھەمكارلىق كوپىراتىپى + نامرات ئائىلىلەر پاي قوشۇپ پايدا بۆلۈشۈش» قاتارلىق نامراتلارنى يۆلەش تۈرلىرىنى يولغا قويدى، نامرات ئائىلىلەرگە نامراتلارنى يۆلەش قويى، بىيو ئوغۇت، قىشلىق كۆمۈر قاتارلىق ماددىي ئەشيالارنى ئىئانە قىلدى، 320دىن ئارتۇق نامرات ئوقۇغۇچىغا 750 مىڭ يۈەن ئوقۇش ياردەم پۇلى تارقىتىپ بەردى، شياڭگاڭدىكى مېھرىبان كارخانىچىلار بىلەن ئالاقىلىشىپ 229 نامرات داشۆ ئوقۇغۇچىسىغا 550 مىڭ يۈەن ياردەم بەردى.
پۈتۈن ئاپتونوم رايوندىكى ھەر دەرىجىلىك چياۋمىنلار بىرلەشمىلىرى خەلقنى مەركەز قىلغان تەرەققىيات ئىدىيەسىدە چىڭ تۇرۇپ، باشتىن ـ ئاخىر چياۋمىن قېرىنداشلارنىڭ غېمىنى يەپ، چياۋمىن قېرىنداشلارنىڭ ئامانلىقى ۋە ھال ـ ئەھۋالىنى قەلبىگە پۈكۈپ، چياۋمىن قېرىنداشلار قەيەردە بولسا، چياۋمىنلار بىرلەشمىسىنىڭ تەشكىلاتى ۋە خىزمىتىنى شۇ يەرگىچە كېڭەيتىشنى تىرىشىپ ئىشقا ئاشۇرۇپ، تولۇپ تاشقان قىزغىنلىق بىلەن چياۋمىن قېرىنداشلارغا مۇلازىمەت قىلىپ، تۈرلۈك چارە ـ تەدبىر ئارقىلىق چياۋمىن قېرىنداشلارنىڭ غەم ـ ئەندىشىسىنى تۈگىتىپ، چياۋمىنلار بىرلەشمىسىنى چياۋمىن قېرىنداشلار ئىشىنىدىغان ئىللىق ئائىلە، ئىتتىپاقلىق ئائىلىسى، جەڭگىۋار ئائىلە قىلىپ قۇرۇپ چىقتى.
ئاپتونوم رايونلۇق چياۋمىنلار بىرلەشمىسى پارتىيە گۇرۇپپىسىنىڭ شۇجىسى، رەئىس رېن چېڭ مۇنداق بىلدۈردى: «بىز باش شۇجى شى جىنپىڭنىڭ شىنجاڭنى كۆزدىن كەچۈرگەندە قىلغان مۇھىم سۆزى، مۇھىم يوليورۇقىنىڭ روھىنى چوڭقۇر ئۆگىنىپ، ئىزچىللاشتۇرۇپ، ئەمەلىيلەشتۈرۈپ، پارتىيەنىڭ چياۋمىنلار ئىشلىرى سىياسىتىنى ئومۇميۈزلۈك ئىزچىللاشتۇرۇپ، پۈتۈن ئاپتونوم رايوندىكى چياۋمىنلار بىرلەشمىسى كادىرلىرىنىڭ ئىش قىلىپ نەتىجە يارىتىش قابىلىيىتىنى زور كۈچ بىلەن ئۆستۈرۈپ، ۋەتەنگە قايتقان كەڭ چياۋمىنلار، چياۋمىنلار ئائىلە تەۋەلىرى ۋە چەت ئەلدىكى چياۋمىن قېرىنداشلارنى ئىتتىپاقلاشتۇرۇپ، ئۇيۇشتۇرۇپ، شىنجاڭنىڭ چياۋمىنلار بىرلەشمىسى ئىشلىرىنى جاسارەت بىلەن ئالغا سىلجىتىمىز».
