□ انار بۇلت \ شينجياڭ گازەتىنىڭ ٴتىلشىسى حان چين ـ يان
1 ـ ايدىڭ 4 ـ كۇنى ورتالىق راديو ـ تەلەۆيزيا باس ستانسياسى «2024 ـ جىلعى كوكتەم مەرەكەسى بىرلەسكەن ساۋىق كەشىنىڭ» قاشقاردا بولىمشە الاڭ ورنالاستىرعاندىعى جونىندەگى حابار تارالعاندا، جەرگىلىكتى ورىنداعى ساياحاتشىلار جاپا ـ تارماعاي قاشقاردى القادى. قاشقارداعى ٴار ۇلت كادر ـ بۇقاراسى ايرىقشا جەلپىنىپ، سىرتقى دۇنيەگە ەكپىندەي العا باسقان قاشقاردى، ەسىك اشقان قاشقاردى، ىستىق ىقىلاستى قاشقاردى كورسەتۋگە مۇمىكىندىك جاسايتىندىقتارىن ٴبىلدىردى.
”بيىلعى كوكتەم مەرەكەسى بىرلەسكەن ساۋىق كەشى قاشقاردا بولىمشە الاڭ ورنالاستىردى، مەن اۋىلىمدى ماقتانىش ەتەمىن“. قاشقار بايىرعى قالاسى كورىنىس ٴوڭىرىن باسقارۋ كوميتەتى ساياحاتشىلارعا قىزمەت وتەۋ ورتالىعىنىڭ ٴتۇسىندىرۋشىسى گۇلبوستان وبۇل بىلاي دەدى: ”مەن قىزۋ ىنتامەن جەر ـ جەردەن كەلگەن ساياحاتشىلارعا بايىرعى قالانىڭ سالت ـ ساناسىن ٴتۇسىندىرىپ، جەرگىلىكتى تۇرعىنداردىڭ تۇرمىسىنداعى كىشى ـ گىرىم وزگەرىستەرىن ٴبولىسىپ، ساياحاتشىلارعا قاشقاردىڭ كەلۋگە تاتيتىندىعىن سەزىندىرەمىن“.
”بيىلعى كوكتەم مەرەكەسى بىرلەسكەن ساۋىق كەشىنىڭ بولىمشە الاڭى قاشقاردا ورنالاستىرىلعاندىعىنا ەرەكشە قۋاندىم“. چيڭداۋدان كەلگەن ساياحاتشى لي مين تەبىرەنە بىلاي دەدى: ”بۇل مەنىڭ قاشقارعا تۇڭعىش كەلىپ ساياحاتتاۋىم، بۇل ارانىڭ ادامدارى ىقىلاستى، قوناعۋار كەلەدى ەكەن، ٴدامدى تاعامدارى دا كوپ ەكەن، قاشقاردىڭ كورىنىسى ەرەكشە كوركەم، بۇگىنگى باقىتتى قاشقاردى بۇكىل ەل حالقى كورۋى ٴتيىس“.
”كونە جىلدى ۇزاتىپ، جاڭا جىلدى قارسى الاتىن كوكتەم مەرەكەسىنە قاراعان ٴتۇنى قاشقار كوكتەم مەرەكەسى بىرلەسكەن ساۋىق كەشى ساحناسىندا جارقىراي كوزگە تۇسەدى، مەن قاشقاردى ماقتانىش ەتەمىن“. گۋاڭدۇڭنان كەلگەن ساياحاتشى لين ييۋان بىلاي دەدى: ”قاشقاردا ساياحاتتاعاندا بەينە وزگەشە اسەم سۋرەتتىڭ ىشىندە جۇرگەندەي بولاسىڭ، بۇل ارانىڭ ٴاربىر كورىنىسى مەنىڭ كوز ايامدى كەڭەيتتى“.
قاشقار قالاسى باتىس ٴوڭىر داڭعىلى ٴمالى باسقارماسىنىڭ ورىنباسار مەڭگەرۋشىسى ىقپالام توحتى بىلاي دەدى: ”ۇلۋ جىلعى كوكتەم مەرەكەسى ساۋىق كەشىنىڭ بولىمشە الاڭى قاشقاردا ورنالاستىرىلدى، قاشقارلىق رەتىندە، نەگىزگى ساتى قىزمەتكەرى رەتىندە، شەكسىز ماقتانىش سەزىنەمىن. مەن قاراستى اۋماقتاعى پارتيا مۇشەلەرىن، الەۋمەتتىك اۋماق قىزمەتكەرلەرىن باستاپ بۇقارانىڭ شۇعىل، قيىن، ۋايىمداعان، ٴزارۋ ماسەلەلەرىن دەن قويا، سۇيىسپەنشىلىكپەن، كۇش سالا ويداعىداي شەشىپ، ەڭ جاقسى كوڭىل كۇيمەن كوكتەم مەرەكەسى ساۋىق كەشىن قارسى الىپ، بۇكىل ەل حالقىنىڭ ٴبىزدىڭ قاشقار حالقىنىڭ باقىتتى شات ـ شادىمان بەينەسىن كورۋىنە مۇمكىندىك جاسايمىن!“
”«2024 ـ جىلعى كوكتەم مەرەكەسى بىرلەسكەن ساۋىق كەشى» قاشقاردا بولىمشە الاڭ ورنالاستىرىپ، ٴبىزدىڭ قاشقارداعى كاسىپورىندارىمىزعا شابىت بەردى“. مەملەكەت ەلەكتر تورى قاشقار ەلەكتر جەتكىزۋ سەرىكتەستىگىنىڭ تەتە اعا ينجەنەرى گۋ جياڭبو بىلاي دەدى: ”قاشقاردىڭ دامۋى كوپكە ٴمالىم، ٴبىز نەگىزگى ساتىعا ەلەكتر جەتكىزۋ قىزمەت وتەۋىن قۇلشىنا ويداعىداي ىستەپ، ەلەكتر جەتكىزۋ قىزمەت ورنىمىزدا بۇكىل ەل حالقىمەن بىرگە سالتاناتتى مەرەكەنى بىرگە وتكىزەمىز“.
قۇرىلىس ورنىندا جابدىق ورناتۋعا قولباسشىلىق ىستەپ جاتقان قاشقار جياڭفىڭ ەلەكتر جابدىعى شەكتى سەرىكتەستىگىنىڭ باس ديرەكتورى لي چياڭ قول تەلەفونىنان بيىلعى كوكتەم مەرەكەسى بىرلەسكەن ساۋىق كەشىنىڭ قاشقاردا بولىمشە الاڭ ورنالاستىرعان حابارىن كورگەننەن كەيىن، تولىق سەنىممەن بىلاي دەدى: ”ەلەكتر جابدىقتارىن قامتاماسىز ەتۋ ورنى رەتىندە، ٴبىز قاشقار بولىمشە الاڭىنىڭ ەلەكترمەن قامداۋ حاۋىپسىزدىگىن بار كۇشپەن قامتاماسىز ەتەمىز“.
”بيىلعى كوكتەم مەرەكەسى بىرلەسكەن ساۋىق كەشىنىڭ قاشقاردا بولىمشە الاڭ ورنالاستىرعانىن ەستىپ، قاتتى اسەرلەندىم“. قاشقار بايىرعى قالاسى 100 جىلدىق شايحاناسىنىڭ 4 ـ ۇرپاق قوجايىنى مامەتكەرىم مامەت بىلاي دەدى: ”كوكتەم مەرەكەسى بىرلەسكەن ساۋىق كەشى وتكەننەن كەيىن، قاشقارعا كەلەتىن ساياحاتشىلار ٴتىپتى دە كوبەيەتىنى ٴسوزسىز، ٴبىزدىڭ ساۋدامىز بارعان سايىن جاقساراتىندىعى داۋسىز“.
”مەن قاشقاردا ەسەيدىم، قاشقاردىڭ بارعان سايىن وسى زاماندىق ٴتۇس العانىنا، دامۋىنىڭ بارعان سايىن جاقسى بولعاندىعىنا، ادامدار تۇرمىسىنىڭ ەمىن ـ ەركىندىگىنە، باقىت سەزىمىنىڭ كۇشەيگەنىنە كۋامىن. كوكتەم مەرەكەسى بىرلەسكەن ساۋىق كەشىندە بۇكىل ەل حالقى قاشقاردىڭ شىت جاڭا بەينەسىن كورەتىن بولدى، توتەنشە تەبىرەنىستى كوڭىل كۇيدەمىن، مۇنى ەرەكشە ماقتانىش سەزىنەم!“ ـ دەدى قاشقار قالاسىنىڭ تۇرعىنى تاجىگۇل ابدىرەيىم ٴوزىنىڭ قۋانىشىن بولىسە.
