□ انار بۇلت \ شينجياڭ گازەتىنىڭ ٴتىلشىسى شى شين
كۇندەر جىلجىپ، ايلار اۋناپ، ٴداۋىر گۇلدەنىپ، زامان جاڭاردى. جاڭا جىل قارساڭىندا مەملەكەت ٴتوراعاسى شي جينپيڭ 2024 ـ جىلعى جاڭا جىلدى قۇتتىقتاۋ ٴسوزىن سويلەدى. ٴبىر جىلدىق قوماقتى ناتيجەلەردى، تابىستاردى ەسكە الىپ، جاڭا ٴبىر جىلداعى ەكپىندەي العا ىلگەرىلەۋ جولىنا كوز جىبەردى، ىقىلاسقا تولى سالەم جۇرەكتى جىلىتىپ، شىنايى تىلەك ادامدى العا باسۋعا جەبەدى. تيانشان الابىنداعى ٴار ۇلت كادر ـ بۇقاراسى مىنانى ٴبىلدىردى: 2023 ـ جىلى تىنباي قايسارلىقپەن كۇرەس جاساپ، ۇدەرە العا تارتىپ، بوران ـ شاشىن مەن سىن ـ سايىستاردى باستان كەشىرىپ، قوماقتى تابىستارعا قول جەتكىزدىك، سونداي ـ اق وسى ٴبىر جىلداعى قيىنشىلىقتاردى دا ەسىمىزدەن شىعارا قويعانىمىز جوق، 2024 ـ جىل جونىنەن سەنىمىمىز مىعىم.
”وسى ٴبىر جىلدا ٴبىز نىق قادام تاستادىق“. ٴتوراعا شي جينپيڭنىڭ سويلەگەن جاڭا جىلدى قۇتتىقتاۋ ٴسوزىن تىڭداعان اۆتونوميالى رايوندىق دامۋ ـ رەفورما كوميتەتى تۇراقتى مۇلىككە قارجى قوسۋ باسقارماسىنىڭ باستىعى جاڭ يۇڭلياڭ قاتتى جىگەرلەنىپ، قارجى قوسۋدى جەبەپ، ارتۋدى ورنىقتىرۋ سەنىمى اناعۇرلىم بەكي ٴتۇستى. 2023 ـ جىلى بۇكىل ەلدە قارجى قوسۋ ٴۇرتىس قۇلديلاعان جاعدايدا، شينجياڭنىڭ تۇراقتى مۇلىككە قارجى قوسۋ قارقىنى ۇدايى بۇكىل ەلدىڭ الدىڭعى قاتارىندا بولىپ، ەكونوميكانىڭ دامۋىنا پارمەندى تىرەك ازىرلەدى.
ول مىنانى ٴبىلدىردى: 2024 ـ جىلى ورتالىقتىڭ ەكونوميكالىق قىزمەت ماجىلىسىندە العا قويىلعان ”ٴونىمدى قارجى قوسۋدى ۇلعايتۋىنا“ ساي، شينجياڭ نازاردى ٴتۇيىندى سالالارعا قارجى قوسۋعا شوعىرلاندىرىپ، قارجى قوسۋ ساپا ونىمدىلىگىن جوعارىلاتۋدى باعدار ەتىپ، قارجى قوسۋ، قارجى قۇراۋ ٴتۇزىلىس رەفورماسىن ۇزدىكسىز تەرەڭدەتىپ، قارجى قوسۋدى ورنىقتى ارتتىرۋى جانە قۇرىلىمىن ساپالىلاندىرۋدى جەبەپ، قارجى قوسۋدىڭ شەشۋشى رولىن ٴتىپتى دە ويداعىداي ساۋلەلەندىرىپ، ەكونوميكانىڭ جوعارى ساپالى دامۋىن ىلگەرىلەتۋى كەرەك.
”استىق وندىرىسىندە ٴۇرتىس 20 جىل مول ٴونىم الىندى، تۇنىق سۋ، جاسىل تاۋ كەلبەتى اناعۇرلىم ايشىقتى بولا ٴتۇستى، اۋىل ـ قىستاقتى گۇلدەندىرۋدە تىڭ بەينە ايگىلەندى“، ٴتوراعا شي جينپيڭنىڭ جاڭا جىلدى قۇتتىقتاۋ سوزىنەن اۆتونوميالى رايوندىق اۋىل شارۋاشىلىعى، اۋىل ـ قىستاق مەڭگەرمەسى ەگىمشىلىك جانە ەگىس دارىلەرىن باسقارۋ باسقارماسىنىڭ ورىنباسار باستىعى ۋاڭ جيانشى ماقتانىش سەزىندى ٴارى جىگەرلەنە ٴتۇستى.
2023 ـ جىلى شينجياڭنىڭ استىق جالپى ٴونىم مولشەرىنىڭ ارتۋى، ەگۋ اۋماعىنىڭ ارتۋ مولشەرى تۇگەلدەي بۇكىل ەل بويىنشا ٴبىرىنشى ورىندا بولىپ، جۇڭگونىڭ اس كەسەسىن مىقتى ۇستاۋىنا شينجياڭ ۇلەسىن قوستى. ”ٴبىز استىق جانە ماڭىزدى اۋىل شارۋاشىلىق ونىمدەرى ٴوندىرىسىن ويداعىداي يگەرىپ، استىق ەگىلەتىن جەر اۋماعىن ورنىقتىرىپ، استىقتىڭ بىرلىك ٴونىمىن زور مولشەردە جوعارىلاتۋدى ىلگەرىلەتىپ، ەگۋ قۇرىلىمىن اناعۇرلىم ساپالىلاندىرىپ، سۋ بايلىعى مەن جەر بايلىعىنىڭ كومەسكى كۇشىن تولىق كادەگە جاراتىپ، 2024 ـ جىلى شينجياڭدا استىق ٴونىمىنىڭ زور كولەمدە بىركەلكى ارتۋىن جۇزەگە اسىرۋعا شىنايى كەپىلدىك ەتەمىز“، ـ دەدى ۋاڭ جيانشى.
جاڭا جىلدى قۇتتىقتاۋ سوزىندە اۋىزعا الىنعان ٴىرى ەلدىڭ ٴبىر ـ بىرلەگەن ماڭىزدى جابدىقتارى 2023 ـ جىلدىڭ كۇنتىزبەسىندە ايقىن ٴىز قالدىردى، سونداي ـ اق جينفىڭ عىلىم ـ تەحنيكا شەكتى جارنا سەرىكتەستىگىنىڭ القا باستىعى ۋ گاڭنىڭ كوڭىلىن تولقىتتى. ول بىلاي دەدى: ٴىرى ەلدىڭ وسى ماڭىزدى جابدىقتارى ارقىلى جاڭالىق اشۋ قوزعاۋشى كۇشى تاسقىنداعان جۇڭگونى كورۋگە بولادى، جۇڭگونىڭ عىلىم ـ تەحنيكادا جاڭالىق اشۋ ناقتى قۋاتىنىڭ جەدەل جوعارىلاۋى دا كاسىپورىنشىلارعا ماقتانىش سەزىمىن سيلادى. 2023 ـ جىلى جينفىڭ عىلىم ـ تەحنيكاسىنىڭ دۇنيە جۇزىندەگى اگراگاتتارى 100 ميلليون كيلوۆاتتان اسىپ، دۇنيەدەگى تۇڭعىش 16 مەگاۆاتتىق ەرەكشە ٴىرى سيىمدىلىقتاعى تەڭىزدەگى جەل كۇشى اگراگاتتارى ٴساتتى تۇردە جەلىگە قوسىلىپ، ەلەكتر تاراتتى، مەملەكەتتىڭ جەل كۇشىمەن ەلەكتر تاراتۋ تەحنيكاسىندا جاڭالىق اشۋ ورتالىعىن قۇرىپ، مەملەكەت ەنەرگيا مەكەمەسىنىڭ تۇڭعىش توپتاعى ”تۇلپارداي جارىسا العا ۇمتىلۋ“ جاڭالىق اشۋ تۇعىرىنا ەنگىزىلدى. 2024 ـ جىلى جينفىڭ عىلىم ـ تەحنيكا شەكتى جارنا سەرىكتەستىگى جاڭالىق اشۋ ارقىلى وزەكتى باسەكەلىك قۋاتىن قالىپتاستىرىپ، تازا ەنەرگيا ىستەرىنىڭ دامۋىنا اناعۇرلىم زور ۇلەس قوستى.
”وسى ٴبىر جىلداعى قادامىمىزدى ارشىندى باستىق. چىڭدۋ جوعارى مەكتەپ وقۋشىلارى جازعى سپورت جارىسى، حاڭجوۋ ازيا سپورت جارىسى ىركەس ـ تىركەس تارتىمدى وتكىزىلىپ، دەنە تاربيە ساڭلاقتارى ەرلىكپەن ۇمتىلىپ، ۇزدىك ناتيجەلەر جاراتتى“. جاڭا جىلدى قۇتتىقتاۋ ٴسوزىن تىڭداعاندا جۇڭگو كۇرەس سپورتشىسى كابيران ابۇشايماننىڭ ويىنا ٴوزىنىڭ ازيا سپورت جارىسىندا جان قيارلىقپەن كۇرەسكەن كەزدەرى ورالدى.
”تاياۋ جىلداردان بەرى ٴبىزدىڭ جاتتىعۋ شارت ـ جاعدايىمىز، قۇرىلعىلارىمىز جانە قامتاماسىز ەتۋ ورەمىز ۇزدىكسىز ساپالىلاندى، بۇل بىزگە مەملەكەت كوركەيسە، دەنە تاربيە ىستەرى كوركەيەتىندىگىن تەرەڭ سەزىندىردى. جالپىلىق مەملەكەت قۋاتى ۇزدىكسىز ارتقاندا عانا، دەنە تاربيە ىستەرى ۇزدىكسىز العا باسادى“. كابيرا ابۇشايمان بىلاي دەدى: جان قيارلىقپەن كۇرەس جاساۋ رۋحىن ۇزدىكسىز ساۋلەلەندىرىپ، سايىسقا دايىندالۋ ۋاقىتىن قادىرلەپ، ٴار جولعى جاتتىعۋعا ٴمان بەرىپ، وتانىمىزدىڭ دەنە تاربيە ىستەرىنە ۇزدىكسىز داڭق اپەرەمىز.
”العا باسۋ جولىندا داۋىل جانە بوران ـ شاشىننىڭ بولۋى قالىپتى قۇبىلىس“. جاڭا جىلدى قۇتتىقتاۋ ٴسوزى شينجياڭ حۋاليڭ ونەركاسىپ ساۋدا (توبى) شەكتى سەرىكتەستىگى پارتكومىنىڭ شۋجيى، ورىنباسار باس ديرەكتور گو شياڭياڭنىڭ كوڭىلىنەن شىقتى.
”ٴتوراعا شي جينپيڭنىڭ جاڭا جىلدى قۇتتىقتاۋ ٴسوزى مەيىرگە تولى ٴارى تەبىندى. ٴبىزدىڭ كاسىپورنىمىزدىڭ بولاشاق دامۋىنا بولعان سەنىمىمىزدى اناعۇرلىم بەكەمدەي ٴتۇستى“. گو شياڭياڭ بىلاي دەدى: حۋاليڭ توبى قۇرىلعان 36 جىلدان بەرى باستان ـ اياق شينجياڭدا تابان تىرەپ، شينجياڭدى كوركەيتىپ، شينجياڭعا قىزمەت وتەپ كەلەدى، قاراستىلىعىنداعى حۋاليڭ امبەباپ بازارى باتىس تەرىستىكتەگى ەڭ ٴىرى تاۋار اينالىم شوعىرلاندىرۋ ـ جونەلتۋ بازاسىنا اينالىپ، حۋاليڭ ٴسۇت كاسىبى تيانيۋان جالپىلىق تۇلعاسى اۆتونوميالى رايون جاعىنان ”10 مىڭ كاسىپورىن 10 مىڭ قىستاقتى گۇلدەندىرۋ“ ارەكەتى بويىنشا سىناق نىسانى ەتىلدى. جاڭا ٴبىر جىلدا ٴبىز جان سالا ىستەپ، باتىلدىقپەن اتويلاپ، باتىلدىقپەن سايىسىپ، كاسىپورىندى بوران ـ شاشىندارعا توتەپ بەرەتىن قۋاتتى تۇلعا، كەسەك بىتىمگە يە ەتۋگە قۇلشىنامىز.
