انار بۇلت \ شينجياڭ گازەتىنىڭ ٴتىلشىسى لي ياڭ 1 ـ ايدىڭ 4 ـ كۇنى ۇرىمجىدەن حابارلايدى. 1 ـ ايدىڭ 3 ـ كۇنى تۇستەن كەيىن اۆتونوميالى رايوندىق ۇكىمەت ەركىن ساۋدا سىناق رايونى قۇرىلىسى قىزمەتىن ىلگەرىلەتۋ ٴماجىلىسىن اشىپ، اۆتونوميالى رايوندىق پارتكومنىڭ قىزمەت ورنالاستىرۋلارىن دايەكتىلەندىرىپ، تياناقتاندىرىپ، شينجياڭ ەركىن ساۋدا سىناق رايونى قۇرىلىسىنا ىقپال جەتكىزەتىن بوگەتتىك ماسەلەلەردى، قيىن ٴتۇيىندى ماسەلەلەردى جانە ٴتۇيىندى قىزمەتتەردى ارقاۋ ەتە وتىرىپ، ٴبىر ـ بىردەن اقىلداسىپ ورنالاستىرۋ جاسادى. ٴماجىلىس مىنالاردى باسا دارىپتەدى: يدەيانى ونان ارى ازات ەتىپ، تۋراشىلدىقتان اينىماي جاڭالىق اشىپ، شىندىقتى ٴىس جۇزىنەن ىزدەپ، ناقتى ىستەيتىن، ناقتى ناتيجە جاراتاتىن، ناقتى ونىمدىلىك كورسەتەتىن قىزمەت باعدارىن ورناتىپ، ”ٴبىر شارانى تياناقتاندىرۋ ون اۋىز ۇران شاقىرعاننان ارتىق“ دەيتىن قىزمەت ستيلىن دارىپتەپ، شينجياڭ ەركىن ساۋدا سىناق رايونى قۇرىلىسىن جوعارى ولشەممەن، جوعارى ساپامەن ىلگەرىلەتۋ كەرەك.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز ماجىلىسكە قاتىناستى ٴارى ٴسوز سويلەدى.
ماجىلىستە قورعاس اۋماعىنىڭ قۇرىلىسىن ىلگەرىلەتۋمەن ۇشتاستىرىپ، قورعاس قالاسى، اۆتونوميالى رايوندىق ساۋدا ىستەرى مەڭگەرمەسى، قوعام حاۋىپسىزدىگى مەڭگەرمەسى، بازار باقىلاۋ ـ باسقارۋ مەكەمەسى، ينفورماتسيالاندىرىپ دامىتۋ مەكەمەسى، تەمەكى ارناۋلى ساتۋ مەكەمەسى جانە جۇڭگو حالىق بانكەسى شينجياڭ بولىمشە بانكەسى، ٴۇرىمجى كەدەنى، شينجياڭ پوچتا ىستەرىن باسقارۋ مەكەمەسى سياقتى ورىندارداعى قاتىستى جولداستار قىزمەتتىڭ ورىستەتىلۋ جاعدايىنان مالىمەت بەردى. ەركىن تۇنياز بۇعان ٴبىر ـ بىرلەپ باعا بەردى ٴارى كەلەسى قادامداعى قىزمەت تالابىن ورتاعا قويدى.
ٴماجىلىس مىنالاردى اتاپ كورسەتتى: ەركىن ساۋدا سىناق رايونى _ مەملەكەت رايونىمىزعا بەرگەن ەسىك اشۋ دەڭگەيى ەڭ جوعارى، دەربەس رەفورما جاساۋ ۇقىعى ەڭ ۇلكەن، شوعىرلاندىرۋ رولىن جەتەكتەيتىن ەڭ كۇشتى اشىق تۇعىر. باس شۋجي شي جينپيڭنىڭ ەركىن ساۋدا سىناق رايونى قۇرىلىسىن ىشكەرىلەي ىلگەرىلەتۋ جونىندەگى ماڭىزدى نۇسقاۋىنىڭ رۋحىن جانە ورتالىقتىڭ ەكونوميكالىق قىزمەت ٴماجىلىسىنىڭ رۋحىن ىشكەرىلەي ۇيرەنىپ، ٴتۇسىنىپ، اۆتونوميالى رايوندىق پارتكومنىڭ قىزمەت ورنالاستىرۋلارىن باتىل تياناقتاندىرىپ، ەركىن ساۋدا سىناق رايونى قۇرىلىسىن كۇشتى جاۋاپكەرشىلىك سەزىممەن، كوكەي تەستىلىك سەزىممەن ىلگەرىلەتۋ كەرەك. مەملەكەتتىڭ جالپى تۇلعالىق جوباسىنا تۋرالانىپ، شينجياڭنىڭ ستراتەگيالىق ورىن تۇراقتاندىرۋىمەن جانە دامۋ ٴىس جۇزىندىگىمەن تىعىز ۇشتاستىرىپ، اتقارۋ جوباسىنا وزگەرىس ەنگىزىپ، كەمەلدەندىرۋگە كۇش سالىپ، ەركىن ساۋدا سىناق رايونى قۇرىلىسىنىڭ ”جول كارتاسىن“ قالىپتاستىرۋ كەرەك. جەر ـ جەر، تاراۋلار جاۋاپكەرشىلىك ارقالاۋدى كۇشەيتىپ، ىرىقتىلىقپەن ىسكەرلىك كورسەتىپ، كۇتىپ وتىرماي، يەك سۇيەمەي، ٴبىر جاعىنان ىزدەنىپ، ٴبىر جاعىنان جوعارىلاتىپ، ەندى ٴبىر جاعىنان قورىتىندىلاپ، اماليات بارىسىندا ۇزدىكسىز كەمەلدەندىرۋ، دامىتۋ كەرەك.
ٴماجىلىس مىنالاردى اتاپ كورسەتتى: قىزمەتتىڭ كىرىسۋ ٴتۇيىنىن ٴدال تاۋىپ، يدەيانى ونان ارى ازات ەتىپ، كوزقاراسقا بۇرىلىس جاساپ، تۇزىمدە جاڭالىق اشۋدى بەلسەنە ورىستەتىپ، باتىلدىقپەن ىزدەنىپ، باتىلدىقپەن سىناپ كورىپ، باتىلدىقپەن الدا ٴجۇرىپ، ٴتۇيىندى سەرپىلىس ارقىلى ەركىن ساۋدا سىناق رايونى قۇرىلىسىنا جەتەكشىلىك ەتۋ جانە باستاۋ كەرەك. ٴتول جاسامپازدىق رۋحىن ساۋلەلەندىرىپ، شينجياڭ ەرەكشەلىگىن كورنەكتىلەندىرىپ، نازاردى شينجياڭ ەركىن ساۋدا سىناق رايونى قۇرىلىسىنىڭ فۋنكتسيالىق ورىن تۇراقتاندىرۋىنا، باسىمدىعىنا، ەرەكشەلىگىنە شوعىرلاندىرىپ، ناقتى ادىستەردى العا قويىپ، اناعۇرلىم كوپ كوشىرىپ جالپىلاستىرۋعا بولاتىن تاجىريبەلەردى، ادىستەردى قالىپتاستىرۋ كەرەك.
ٴماجىلىس مىنالاردى باسا دارىپتەدى: ەل ىشىندەگى باسقا دا ەركىن ساۋدا سىناق رايوندارىنىڭ تاجىريبەسىن دەر كەزىندە ۇعىسىپ، يگەرىپ، ٴۇرىمجى، قاشقار، قورعاس سىندى 3 اۋماقتىڭ جاقسى ادىستەرىن دەر كەزىندە قورىتىندىلاپ، ٴوزارا ۇلگى الىپ، ۇيرەنىپ، كوشىرىپ جالپىلاستىرىپ، تۇتاس تۇلعالىق جاقتان جوعارىلاتۋ كەرەك. مىندەتىن شىنايى اتقارىپ، جاۋاپكەرشىلىگىن ادا ەتىپ، ىرىقتىلىقپەن جاۋاپكەرشىلىك ارقالاپ، ”قولباسشىلىق ەتىپ ٴارى شايقاس جۇرگىزىپ“، قۋزاۋ، جەتەكشىلىك ەتۋ تەبىنىن كۇشەيتىپ، مەرزىمدى ۋاقىتتا زەرتتەپ ىلگەرىلەتىپ، ٴبىرىنشى شەپكە ۇنەمى ىشكەرىلەي بارىپ، ولقىلىقتاردى تاۋىپ، تياناقتاندىرۋدى جەبەپ، ٴارقايسى اۋماقتىڭ قۇرىلىس بارىسىنداعى قيىنشىلىقتارىن، ماسەلەلەرىن دەر كەزىندە سايكەستىرىپ شەشۋ كەرەك. ”بيڭتۋان مەن جەرگىلىكتى ورىن ٴبىر تۇتاس جۇيە“ يدەياسىن مىقتاپ ورناتىپ، سايكەسۋدى، بىرلەسىپ ارەكەتتەنۋدى كۇشەيتىپ، ٴبىر تۇلعالاندىرا ىلگەرىلەتىپ، ەركىن ساۋدا سىناق رايونى قۇرىلىسىىنىڭ قۋاتتى بىرىككەن كۇشىن قالىپتاستىرۋ كەرەك.
سۇن حۇڭمەي، شۋە بين، ۋاڭ گاڭ، لي يۇڭحۇڭ ماجىلىسكە قاتىناستى.
