انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 1 ـ ايدىڭ 4 ـ كۇنى ۇرىمجىدەن حابارلايدى. اۆتونوميالى رايوندىق پارتكوم تۇراقتى كوميتەتى 1 ـ ايدىڭ 4 ـ كۇنى تۇستەن بۇرىن ٴماجىلىس اشىپ، باس شۋجي شي جينپيڭنىڭ 2024 ـ جىلعى جاڭا جىلدى قۇتتىقتاۋ ٴسوزىنىڭ جانە مەملەكەتتىك ساياسي كەڭەستىڭ جاڭا جىل شاي ماجىلىسىندە سويلەگەن ماڭىزدى ٴسوزىنىڭ رۋحىن جەتكىزدى، ۇيرەندى، دايەكتىلەندىردى، باس شۋجيدىڭ ورتالىق سىرتقى ىستەر قىزمەتى ماجىلىسىندە جانە 2023 ـ جىلدىق شەتەلدە تۇراتىن ەلشىلەر قىزمەت ماجىلىسىنە قاتىناسقان ەلشىلەردى قابىلداعاندا سويلەگەن ماڭىزدى ٴسوزىنىڭ رۋحىن جەتكىزدى، ۇيرەندى، دايەكتىلەندىردى، «جۇڭگو كوممۋنيستىك پارتياسىنىڭ ٴتارتىپ جازاسى ەرەجەسىن» جانە ورتالىقتىڭ كادرلاردى تاربيەلەۋ، باۋلۋ جونىندەگى قاتىستى حۇجاتىنىڭ جانە مەملەكەتتىك كادرلاردى تاربيەلەۋ، باۋلۋ قىزمەتى ٴماجىلىسىنىڭ، نەگىزگى تاقىرىپتىق تاربيەنىڭ ”ٴتورتتى نەگىزگى ساتىعا جەتكىزۋدى“ تياناقتاندىرۋ اۋىس ـ كۇيىس اڭگىمە ٴماجىلىسىنىڭ ورنالاستىرۋلارىن، تالاپتارىن دايەكتىلەندىرۋدى اقىلداستى، شينجياڭ اۋىل شارۋاشىلىعىنىڭ جوعارى ساپالى دامۋىن سۋ بايلىعىمەن قامتاماسىز ەتۋ سياقتى قىزمەتتەردى اقىلداستى، ورنالاستىردى. اۆتونوميالى رايوندىق پارتكومنىڭ شۋجيى ما شيڭرۇي ٴماجىلىستى باسقاردى.
ٴماجىلىس مىنالاردى اتاپ كورسەتتى: باس شۋجي شي جينپيڭ جاريالاعان 2024 ـ جىلعى جاڭا جىلدى قۇتتىقتاۋ ٴسوزىنىڭ تۇرعىسى بيىك، تەرەڭ سۇيىسپەنشىلىك قامتىلعان، ادامدى ەكپىندەي ىلگەرىلەۋگە شابىتتاندىرادى، ٴسوز جوق، ٴجۇز ميلليونداعان حالىقتى جاڭا جورىقتا اسقاق جىگەرمەن قايراتتانا ۇمتىلىپ، ىنتىماق ارقىلى كۇش ـ قۋات ۇيستىرىپ، كۇرەس جۇرگىزۋ ارقىلى ۇلى ٴىس تىندىرۋعا ىنتالاندىرادى. يدەيا مەن ارەكەتتى باس شۋجيدىڭ قۇتتىقتاۋ ٴسوزىنىڭ رۋحىمەن جانە پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن باتىل بىرلىككە كەلتىرىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋدىڭ جاڭا داۋىردەگى جاڭا جورىقتاعى پارتيا مەن مەملەكەتتىڭ وزەكتى مىندەتى ەكەندىگىن، جاڭا داۋىردەگى ەڭ ۇلكەن ساياسي ەكەندىگىن جەتە تانىپ، شينجياڭنىڭ وسىزامانداندىرۋ قۇرىلىسىنىڭ ٴىس جۇزىندىك ونىمدىلىگى ارقىلى ”ەكىنى تۇراقتاندىرۋدى“ ادالدىقپەن قورعاۋ، ”ەكىنى قورعاۋدى“ باتىلدىقپەن ورىنداۋ كەرەك. باس شۋجيدىڭ شينجياڭدى كوزدەن كەشىرگەندە، اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى سوزدەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، ماڭگى ەنجارلىققا سالىنبايتىن رۋحاني كۇيمەن جانە العان بەتىنەن قايتپايتىن كۇرەسكەرلىك بەينەمەن جۇڭگو ۇلگىسىندەگى وسىزامانداندىرۋدىڭ شينجياڭ امالياتىن تىڭعىلىقتى ىلگەرىلەتۋ كەرەك. جۇڭگو كوممۋنيستىك پارتياسى باسشىلىعىنداعى كوپ پارتيا سەلبەستىگى جانە ساياسي كەڭەس تۇزىمىنە تاباندى بولىپ جانە ونى كەمەلدەندىرىپ، وزەكتى تىعىز ارقاۋ ەتىپ، كەلەلى جاعدايعا قىزمەت وتەپ، يدەيالىق ـ ساياسي جەتەكشىلىكتى كۇشەيتىپ، ورتاق تانىمدى كەڭىنەن ۇيىستىرىپ، ارناۋلى كەڭەستىك قۇرىلىم رولىن شىنايى ساۋلەلەندىرىپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋ ۇلى ٴىسىنىڭ شينجياڭ تاراۋىن جازۋعا اقىل ـ پاراسات، كۇش ـ قۋات قوسۋ كەرەك.
ٴماجىلىس مىنالاردى باسا دارىپتەدى: شي جينپيڭ ديپلوماتيا يدەياسىن ىشكەرىلەي دايەكتىلەندىرىپ، سانالىلىقپەن پارتيا ورتالىق كوميتەتىنىڭ ٴبىر تۇتاس باسشىلىعىندا سىرتقى ىستەر قىزمەتىن ورىستەتىپ، نازاردى مەملەكەتتىڭ جالپى جاعدايىنداعى شينجياڭنىڭ ستراتەگيالىق ورنىنا شوعىرلاندىرىپ، ساياسي بەتالىستى مىقتى يگەرىپ، تۋراشىلدىقتان اينىماي جاڭالىق اشۋعا تاباندى بولىپ، اناعۇرلىم ويداعىداي دامۋ مەن حاۋىپسىزدىكتى ٴبىر تۇتاس جوسپارلاپ، ەسىك اشۋ مەن ورنىقتىلىقتى ٴبىر تۇتاس جوسپارلاپ، زاڭمەن باسقارۋ وي جەلىسى مەن زاڭمەن باسقارۋ ٴتاسىلىن قولدانىپ سىرتقى ىستەر قيمىلىن ورىستەتۋ قابىلەتىن، دەڭگەيىن ۇزدىكسىز جوعارىلاتىپ، ”ٴبىر بەلدەۋ، ٴبىر جولدى“ بىرگە قۇراتىن مەملەكەتتەرمەن ناقتى اۋىس ـ كۇيىستى، سەلبەستىكتى تەرەڭدەتىپ، ”شاقىرىپ اكەلۋ“، ”سىرتقا شىعارۋ“ سەرپىنىن كۇشەيتىپ، جاڭا داۋىردەگى شينجياڭ حيكاياسىن كوپ ارنامەن، كوپ فورمامەن ويداعىداي بايانداپ، شينجياڭنىڭ سىرتقى ىستەر قىزمەتىندە جاڭا جاعداي اشۋدى ىلگەرىلەتۋ كەرەك.
ٴماجىلىس مىنالاردى باسا دارىپتەدى: جاڭادان وزگەرىس ەنگىزىلگەن «جۇڭگو كوممۋنيستىك پارتياسىنىڭ ٴتارتىپ جازاسى ەرەجەسىنىڭ» ماڭىزدى ٴمانىن تەرەڭدەي ٴتۇسىنىپ، «ەرەجەنىڭ» وزەكتى ماڭىزىن جانە امالياتتىق تالابىن دالمە ـ ٴدال يگەرىپ، قاتاڭ نەگىزگى اۋەنگە قاي ـ قاشان دا تاباندى بولىپ، ساياسي ٴتارتىپ پەن ساياسي قاعيدانى ونان ارى قاتايتىپ، پارتيالىلىقتى، پارتيا ستيلىن، پارتيا ٴتارتىبىن تەڭ يگەرۋگە تاباندى بولىپ، شينجياڭدا پارتيانى جاپپاي قاتاڭ باسقارۋدىڭ ىشكەرىلەي دامۋىن ىلگەرىلەتۋ كەرەك. «ەرەجە» جونىندەگى ۇگىت تاربيەنى جانە ونى دايەكتىلەندىرۋدى، اتقارۋدى ويداعىداي يگەرىپ، شينجياڭداعى پارتيالى كادرلاردى ٴتارتىپتى ۇيرەنۋگە، ٴتارتىپتى بىلۋگە، ٴتارتىپتى ايقىنداۋعا، تارتىپكە بويسۇنۋعا جەتەكتەپ، بۇلجىماي ستيلدى دۇرىستاپ، ٴتارتىپتى قاتايتىپ، شىرىكتەسۋگە قارسى تۇرىپ، باتىلدىقپەن جاۋاپكەرشىلىك ارقالاۋ، بەلسەنە ىسكەرلىك كورسەتۋ سىندى اسقاق بەينەمەن كورىكتى شينجياڭدى اناعۇرلىم ويداعىداي قۇرۋ كەرەك.
ٴماجىلىس مىنالاردى باسا دارىپتەدى: باس شۋجيدىڭ، پارتيا ورتالىق كوميتەتىنىڭ كادرلاردى تاربيەلەۋ، باۋلۋ جونىندەگى ورنالاستىرۋلارىن، تالاپتارىن ىشكەرىلەي دايەكتىلەندىرىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن قاي ـ قاشان دا نەگىزگى تاقىرىپ، نەگىزگى جەلى ەتىپ، ساياسي شىنىعۋدى كادرلاردىڭ تولىسۋىنىڭ جالپى پەريودىمەن ساباقتاستىرىپ، شينجياڭنىڭ ٴىس جۇزىندىك جاعدايىمەن تىعىز ۇشتاستىرىپ، جالپى تۇلعالىق جاقتان جوسپارلاپ، جۇيەلى ىلگەرىلەتىپ، مىندەت اتقارۋ قابىلەتى جاعىنداعى باۋلۋدى زور كۇشپەن ويداعىداي يگەرىپ، وقىتۋ ٴتاسىلىن، ٴادىسىن جاقسارتىپ، قالىڭ كادرلاردى پارتيالىلىقتى كۇشەيتۋگە، اقىل ـ پاراساتتى ارتتىرۋعا، قابىلەت ـ دارىندى جوعارىلاتۋعا، ستيلدى دۇرىستاۋعا تاربيەلەپ، جەتەكتەۋ، اسىرەسە، ٴىس جۇزىندىك ماسەلەلەردى زەرتتەۋ، شەشۋ قابىلەتىن، دەڭگەيىن شىنايى جوعارىلاتىپ، ادال، كىرشىكسىز، جاۋاپكەرشىلىك ارقالايتىن جوعارى ساپالى ٴار ۇلت كادرلارى قوسىنىن قۇلشىنا باۋلىپ، جەتىلدىرىپ، شينجياڭنىڭ ٴتۇرلى ىستەرىنىڭ دامۋىنا پارمەندى قامتاماسىزدىق ازىرلەۋ كەرەك.
ٴماجىلىس مىنالاردى باسا دارىپتەدى: ”ٴتورتتى نەگىزگى ساتىعا جەتكىزۋ“ _ پارتيانىڭ بۇقارالىق لۋشيانىن امالياتتا ايگىلەۋدەگى كەلەلى جاڭالىق، كادرلار ستيلىنە بۇرىلىس جاساۋ، قىزمەت قيىن تۇيىندەرىن شەشۋ، جوعارى ساپالى دامۋدى ىلگەرىلەتۋ، پارتيا قۇرىلىسىن كۇشەيتۋ سياقتى جاقتاردا ماڭىزدى ٴمان الادى. سانالىلىقتى، ىرىقتىلىقتى كۇشەيتىپ، ”ٴتورتتى نەگىزگى ساتىعا جەتكىزۋدى“ نەگىزگى تاقىرىپتىق تاربيەنىڭ ماڭىزدى شارالارىمەن ٴتۇيىلىستىرىپ بىرلەسىپ ارەكەتتەنۋدى، ساباقتاستىرىپ تياناقتاندىرۋدى كۇشەيتىپ، ٴار ۇلت پارتيا مۇشەلەرىنىڭ، كادرلارىنىڭ ىشكەرىلەي امالياتتا ايگىلەۋىن، ناقتى ونىمدىلىككە ۇمتىلۋىن ىلگەرىلەتىپ، تىرەكتى كۇشتەردىڭ نەگىزگى ساتىعا ٴتۇسۋىن ىلگەرىلەتىپ، ”ٴتورتتى نەگىزگى ساتىعا جەتكىزۋدى“ تەرەڭدەتىپ ادىسكە اينالدىرىپ، كوكەيگە ۇيالاتىپ ادەتكە اينالدىرىپ، كادەگە جاراتىپ قابىلەتكە اينالدىرىپ، ماسەلەلەردى ۇزدىكسىز شەشۋ بارىسىندا شينجياڭ قىزمەتىنىڭ جاڭا جاعدايىن اشۋ كەرەك.
ٴماجىلىس مىنالاردى باسا دارىپتەدى: سۋ بايلىعى _ شينجياڭ ەكونوميكاسىنىڭ جوعارى ساپالى دامۋىنا جانە ەكولوگيالىق وركەنيەت قۇرىلىسىنا تۇساۋ بولىپ وتىرعان شەشۋشى فاكتور. تانىمدى جوعارىلاتىپ، يدەيانى ازات ەتىپ، ماڭىزدى ٴتۇيىندى كورنەكتىلەندىرىپ، ”سۋدى ۇنەمدەپ ونىمدىلىگىن جوعارىلاتۋ، سۋ ساقتاپ رەتتەۋ ـ مەڭگەرۋ، سۋ جەتكىزىپ قاينارىن تولىقتاۋ، سۋدى باسقارىپ پايدالانۋدى مەڭگەرۋ“ سىندى اۋىل شارۋاشىلىعىنىڭ جوعارى ساپالى دامۋىن سۋ بايلىعىمەن قامتاماسىز ەتۋ جۇيەسىن جەدەل قۇرىپ، شينجياڭنىڭ رايون جاعدايىنا ۇيلەسەتىن سۋ بايلىعىن باسقارۋ ٴتۇزىلىسىن كەمەلدەندىرىپ، سۋ بايلىعىن شوعىرلى، ۇنەمدى پايدالانۋدى كۇشەيتىپ، سۋ بايلىعىن جەتكىزۋ، ساقتاۋ قابىلەتى قۇرىلىسىن كۇشەيتىپ، سۋ بايلىعىن قۇنتتاپ باسقارۋ دەڭگەيىن جوعارىلاتىپ، شينجياڭ اۋىل شارۋاشىلىعىن وسىزامانداندىرۋعا، مەملەكەتتىك ساپالى ەگىن، مال شارۋاشىلىعى ونىمدەرىمەن قامداۋ ماڭىزدى بازاسىن قۇرۋعا بەرىك سۋ بايلىعى قامتاماسىزدىعىن ازىرلەۋ كەرەك.
