انار بۇلت \ شينجياڭ گازەتىنىڭ تىلشىلەرى يىن لۋ، ۋاڭ جيڭجيڭ 1 ـ ايدىڭ 4 ـ كۇنى بەيجيڭنەن حابارلايدى. 1 ـ ايدىڭ 4 ـ كۇنى ورتالىق راديو ـ تەلەۆيزيا باس ستانسياسى «2024 ـ جىلعى كوكتەم مەرەكەسى بىرلەسكەن ساۋىق كەشىنىڭ» بولىمشە الاڭدارىن جاريالادى، شينجياڭ قاشقار، لياۋنيڭ شىنياڭ، حۋنان چاڭشا، شانشي شي ـ ان قاتارلى 4 ورىن بەيجيڭ نەگىزگى الاڭىمەن بىرگە جاڭا جىلعا قاراعان تۇندە بۇكىل جەر شارىنداعى حۋارىندارعا سۇيىسپەنشىلىككە تولى، دابىرالى دا سالتاناتتى ۇلۋ جىلعى كوكتەم مەرەكەسىنە ارنالعان بىرلەسكەن ساۋىق كەشىن ۇسىنادى.
سول كۇنى ورتالىق راديو ـ تەلەۆيزيا باس ستانسياسىنىڭ فۋشيڭ جولىنداعى كەڭسە رايونىنداعى 1000 شارشى مەترلىك ستۋديا زالىندا، تيانشان تاۋىنىڭ، كۇنلۇن تاۋىنىڭ، التاي تاۋىنىڭ ايبىندى دا اسەم كورىنىسىنىڭ، جايلىمداردىڭ، گۇل تەڭىزىنىڭ، وزەن ـ داريالاردىڭ كوركەم كەلبەتىنىڭ ۇگىت فيلمىندە كورسەتىلۋىنە ساي، 2024 ـ جىلعى كوكتەم مەرەكەسى بىرلەسكەن ساۋىق كەشى 4 ـ بولىمشە الاڭى شينجياڭداعى قاشقار ەكەندىگى جاريا بولدى. بۇل تاريحتان بەرگى كوكتەم مەرەكەسى بىرلەسكەن ساۋىق كەشىنىڭ تۇڭعىش رەت شينجياڭدا بولىمشە الاڭ ورنالاستىرۋى.
”شينجياڭ قاشقاردا كوكتەم مەرەكەسى بىرلەسكەن ساۋىق كەشىنىڭ بولىمشە الاڭىن ورنالاستىرۋ شينجياڭ جونىنەن ۇلكەن ٴىس، قۋانارلىق ٴىس، سونداي ـ اق ورتالىق كوميتەت ۇگىت ٴبولىمىنىڭ، ورتالىق راديو ـ تەلەۆيزيا باس ستانسياسىنىڭ شينجياڭدى مادەنيەتپەن نارلەندىرۋدى ىشكەرىلەي ىلگەرىلەتۋگە قولدانعان ناقتى شاراسى. جاندى دا جالىندى شينجياڭنىڭ گۋمانيتارلىق مادەنيەتى شۇعىلالى، ٴار ۇلت حالقى جۇڭحۋا ۇلتى ۇلى شاڭىراعىندا جارىسا شۇعىلا شاشىپ كەلەدى. جىبەك جولى ەكونوميكالىق بەلدەۋى وزەكتى رايونىنىڭ ماڭىزدى تىرەگى جانە جۇڭگو _ پاكيستان ەكونوميكالىق ٴدالىزىنىڭ باستالۋ ٴتۇيىنى رەتىندە، قاشقاردىڭ قۇندى تاريحي مادەنيەت تامىرىنىڭ، سان الۋان تاماشا سالت ـ ساناسىنىڭ، تابىستى 100 جىلدىق شارۋاشىلىعىنىڭ ٴبارى ـ بارىنەن الاڭسىز، بەرەكەلى، قارىشتاپ دامىعان جاڭا راي بايقالادى“، ـ دەدى قاشقار ايماقتىق پارتكومنىڭ ورىنباسار شۋجيى شيۋ جاۋبيڭ جۇمىس باسىنداعى ارناۋ سوزىندە.
ٴتىلشى سول كۇنگى اقپار جاريالاۋ قيمىلىندا مىنالاردى ۇعىستى: 2024 ـ جىلعى كوكتەم مەرەكەسى بىرلەسكەن ساۋىق كەشى” 1+4“ ۇلگىسىن قولدانىپ، ٴبىر نەگىزگى الاڭ مەن 4 بولىمشە الاڭنان قۇرالىپ، تۇلعالىق جوبالاۋ، كوركەمونەرلىك بەينەلەۋ، ەگجەي ـ تەگجەيلى كورسەتۋ ارقىلى بولىمشە الاڭداعى ويىن ٴنومىرىن نەگىزگى الاڭمەن توعىستىرىپ، مازمۇنىن بايلانىستىرىپ، بۇكىل ەلدىڭ جەر ـ جەرىنىڭ باي حالىقتىق سالت ـ سانا مادەنيەتىن ايگىلەپ، الۋان ٴتۇرلى جاڭا ٴداۋىر جاڭا بەينەسىن بەينەلەيدى. كوكتەم مەرەكەسى بىرلەسكەن ساۋىق كەشىن ۇيىمداستىرۋ گرۋپپاسى ٴارقايسى بولىمشە الاڭنىڭ وزىنە ٴتان تاريحي گۋمانيتارلىق جارقىن تۇيىندەرىن جانە وڭىرلىك ەرەكشەلىگىن ىشكەرىلەي بەينەلەپ، نەگىزگى جانە بولىمشە الاڭنىڭ بىرلەسىپ ارەكەتتەنۋ باسىمدىعىن تولىق ساۋلەلەندىرىپ، الۋان ٴتۇرلى كوركەمونەرلىك ٴتاسىل ارقىلى جەر ـ جەردىڭ قۋانىشتى، دۋماندى جاڭا جىل رايىن بەينەلەيدى.
الاڭدا ادامدى جەلپىندىرەتىن بارابان داۋىسىنىڭ كوتەرىلۋىنە وراي، «جەلەگىڭدى اش» كونسەرتى شينجياڭ بولىمشە الاڭىنىڭ وزگەشە ادەبيەت ـ كوركەمونەر قويىلىمى رەتىندە تارتىمدى ورىندالادى. ارتيستەر ٴساندى كيىم ـ كەشەك كيىپ، ەكپىندەي العا ىلگەرىلەگەن شينجياڭ وبرازى مەن قويۋ باقىتتى، جاراسىمدىلىقتى ساحنادا بەينەلەيدى. ”بۇل بيگە شينجياڭداعى ٴار ۇلتتىڭ ٴبي ۇلگىسى شوعىرلانعان، ريتىمى ويناقى، ارەكەتى جيناقى، بەينەلەۋ ٴتاسىلى مول بولىپ، شينجياڭداعى ٴار ۇلت بۇقاراسىنىڭ ىنتىماعىن، دوستىعىن، سۇيىسپەنشىلىگىن، ٴبىر وتباسى ادامدارىنداي شىنايى بەينەسىن كورسەتەدى“، ـ دەدى شينجياڭ ٴوندىرىس ـ قۇرىلىس بيڭتۋانى ٴان ـ ٴبي تەاترى ۇيىرمەسى پارتكومىنىڭ شۋجيى، ۇيىرمە باستىعى جياڭ مەي.
باس ستانسيا كوكتەم مەرەكەسى بىرلەسكەن ساۋىق كەشىنىڭ بولىمشە الاڭىن ورنالاستىرعاننان بەرى، بۇكىل ەلدىڭ جەر ـ جەرىندەگى وزگەشە مادەنيەتكە، كوركەمونەرگە ٴوزىن ايگىلەيتىن ساحنا ازىرلەپ، جەر ـ جەردىڭ مادەنيەت ـ ساياحات ىستەرىنىڭ قارىشتاپ دامۋىنا كۇش ۇستەپ، جەر ـ جەردىڭ بەلسەندى اڭىسى مەن سايكەسۋىنە يە بولدى. جۇڭحۋانىڭ بايتاق دالاسىنداعى اۋىل ٴۇنى، اۋىل ماحابباتى ادامدارعا كوكتەم مەرەكەسىنىڭ قويۋ رايىن جەتكىزدى.
