انار بۇلت \ شينجياڭ گازەتىنىڭ ٴتىلشىسى شى شين
1-ايدىڭ 3-كۇنى جۇمىسشىلار قارامايلى قالاسىنىڭ مايتاۋ رايونى جوعارى، جاڭا تەحنيكالىق كاسىپ سالاسى باقشا اۋماعىنداعى شينجياڭ حايرۇن عىلىم-تەحنيكا شەكتى سەرىكتەستىگىنىڭ جۇمىس سەحىندا جۇمسارتقىش وندىرۋدە. وسى سەرىكتەستىك وندىرگەن جۇمسارتقىش شينجياڭنىڭ ماقتا تەرۋ، مۇناي قۇدىعىن بۇرعىلاۋ سياقتى كاسىپتەرىنىڭ ءوندىرىس قاجەتىن قاناعاتتاندىرىپ، جىلدىق ءونىم قۇنى 670 ميلليون يۋانعا جەتتى. سۋرەتتى سۇي ۋىنجۋان تۇسىرگەن
جۇڭگو گۋاڭدۇڭ يادرو ەلەكتر توبىنىڭ چارقىلىق ٴبىر ميلليون كيلوۆاتتىق جەل ەلەكتر نىسانى جەلىگە ٴساتتى قوسىلىپ، بۇكىل ەلدەگى ميلليون كيلوۆات دارەجەسىندەگى جەل ەلەكتر نىسانى قۇرىلىسىنىڭ جىلدامدىعى ەڭ تەز بولۋ رەكوردىن جاڭالادى؛ حۇڭشاچۋان 2 ـ ٴنومىرلى اشىق كومىر كەنى جۇمىس باستاپ، شينجياڭنىڭ كومىر ٴوندىرىس قۋاتى تاعى دا كولەمىن كەڭەيتتى... جىل سوڭىندا شينجياڭنىڭ جوعارى ساپالى دامۋىنىڭ قوزعاۋشى قۋاتى تاسقىنداپ، نەگىزى كورنەكتىلەنە ٴتۇستى.
2023 ـ جىلى جوعارى ساپالى دامۋ ارقىلى جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ جاڭا جورىعىندا تۇرعان شينجياڭ كەلەلى نىسان قۇرىلىسى ارقىلى ٴونىمدى قارجى قوسۋدى جەتەكتەپ، ەكپىندەي ىلگەرىلەۋ تەبىنىن ساقتاۋعا ارقا تىرەك بولدى.
وسىمەن ٴبىر ۋاقىتتا ”8 ٴىرى كاسىپ سالاسى شوعىرى“ وركەندەي تولىسىپ، جاڭا ساپالى وندىرگىش كۇشتەر جەدەل جەتىلىپ، ٴۇرىمجى _ قارامايلى _ سانجى اۋماعى سياقتى ٴتۇيىندى وڭىرلەر ارتۋدى ورنىقتىرۋدىڭ ارقا تىرەگى بولدى، وسى وزەكتى مىندەتتەر شينجياڭنىڭ جوعارى ساپالى دامۋدىڭ ”ەڭ وڭتايلى قيسىق سىزىعىن“، ”ەڭ ۇتىمدى جولىن“ بويلاپ تاباندىلىقپەن العا باسۋىن ىلگەرىلەتتى.
كەلەلى نىساندارعا تىرەك بولۋعا، جەتەكشىلىك ەتۋگە تاباندى بولدى
نىسان _ جوعارى ساپالى دامۋدى جۇزەگە اسىرۋدىڭ مىعىم تىرەگى. 2023 ـ جىلعى شينجياڭ ەكونوميكاسىنىڭ دامۋىنداعى اۋىزعا ەڭ كوپ الىنعان سوزدەردى تۇگەندەسەك، ”كەلەلى نىسان قۇرىلىسى“ دەگەن ٴسوز ماڭىزدى ورىندى يەلەدى.
2023 ـ جىلى 1 ـ ايدىڭ 28 ـ كۇنى قويان جىلعى كوكتەم مەرەكەسىنەن كەيىنگى العاشقى جۇمىس كۇنىندە اۆتونوميالى رايوندىق دامۋ جانە رەفورما كوميتەتى نازاردى 2023 ـ جىلعى اۆتونوميالى رايوننىڭ تۇراقتى مۇلىككە قارجى قوسۋ جانە كەلەلى نىساندار قۇرىلىسى مىندەتتەرىنە شوعىرلاندىرىپ، ٴبىرىنشى ماۋسىمداعى ٴتۇيىندى قىزمەتتەردى ورنالاستىرىپ، كۇرەس ۇلگىسىن جاپپاي باستاپ، باستاما اشۋدىڭ ”ٴبىرىنشى تاياقشاسىن“ مىعىم قايراتپەن ويداعىداي الىپ ٴجۇردى.
سونان كەيىن تۇرپان قالاسى 2023 ـ جىلدىڭ ٴبىرىنشى ماۋسىمىنداعى كەلەلى نىسانداردى شوعىرلى تۇردە قالپىنا كەلتىرۋ، جۇمىس باستاۋ سالتىن بۇكىل شينجياڭ بويىنشا الدىمەن وتكىزدى. ىلە ـ شالا حوتان، اقسۋ، قاشقار سياقتى جەرلەردەگى كەلەلى نىساندار دا ىركەس ـ تىركەس جۇمىس باستادى، جۇمىستى قالپىنا كەلتىردى، بۇكىل شينجياڭ كولەمىندە كەلەلى نىسانداردىڭ جۇمىسىن باستاۋدىڭ جاڭا كەزەكتى ورلەۋى جەدەل كوتەرىلدى.
3 ـ ايدىڭ 17 ـ كۇنى 2023 ـ جىلعى اۆتونوميالى رايوننىڭ كەلەلى نىساندارىنىڭ جۇمىسىن شوعىرلى قالپىنا كەلتىرۋ، باستاۋ جانە ٴبىرىنشى ماۋسىمداعى تۇتاس رايوننىڭ كەلەلى نىساندارىن ورنالاستىرۋ ٴماجىلىسى وتكىزىلدى، بۇكىل رايونداعى 14 ايماق، وبلىس، قالاداعى 70 نىشاندىق كەلەلى نىساندا جۇمىس شوعىرلى قالپىنا كەلتىرىلىپ، جۇمىس باستالىپ، جوعارى ساپالى دامۋدىڭ ”نەگىزگى قوزعالتقىشى“ ىسكە قوسىلدى.
...
2023 ـ جىلعا قايىرىلا قاراساق، نىساندى جەدەلدەتۋ بۇكىل رايوندا جوعارىدان تومەنگە دەيىن ەكونوميكانى جەدەل گۇلدەندىرۋدەگى، دامۋدى يگەرۋدەگى، بولاشاققا تالپىنۋداعى ”شەشۋشى شاراعا“ اينالعان.
وسى ٴبىر جىلدا قۇمىل _ چۇڭچيڭ ±800 كيلوۆولتتىق ەرەكشە جوعارى كەرنەۋلى تۇراقتى ەلەكتر جەتكىزۋ ينجەنەرياسى قۇرىلىس باستاپ، شينجياڭنىڭ ەنەرگيا بايلىعى كومەسكى كۇشىن اشۋىنا دەم بەردى؛ جۇڭگو مۇناي ـ تابيعي گاز توبى شەكتى سەرىكتەستىگى مايتاۋ مۇناي حيميا ونەركاسىبى بولىمشە سەرىكتەستىگىنىڭ تارىم جىلىنا ٴبىر ميلليون 200 مىڭ توننا ەتيلەن ٴوندىرۋ 2 ـ مەرزىمدىك نىسانى ىسكە قوسىلدى، بۇل ەل ىشىندەگى مۇناي حيميا ونىمدەرى كاسىپ سالاسى تىزبەگىنىڭ، قامداۋ تىزبەگىنىڭ وتاندىق سالىستىرماسىن ونان ارى جوعارىلاتادى؛ مەملەكەت ەلەكتر تورى فۋكاڭ سۋ تارتىپ، ەنەرگيا ساقتاۋ ەلەكتر ستانسياسىنىڭ 1 ـ ٴنومىرلى گەنەراتور اگراگاتتارى ىسكە قوسىلىپ، ەلەكتر تاراتىپ، ەلىمىزدىڭ باتىس سولتۇستىگىندەگى العاشقى سۋ تارتىپ، ەنەرگيا ساقتاۋ گەنەراتور اگراگاتتارى رەسمي وندىرىسكە قوسىلىپ، شينجياڭ مەن باتىس سولتۇستىك ەلەكتر تورىنىڭ رەتتەۋ سيپاتتى ەلەكتر قاينارىندا تىڭ سەرپىلىسكە قول جەتكىزدى...
نىسان سىندى وسى ”بۇيدانى“ مىقتى ۇستاپ، نىساننان باستاپ ىسكە كىرىسپ، نىسان ارقىلى جەتەكشىلىك ەتىپ، نىساندى تىرەك ەتىپ، شينجياڭنىڭ بايتاق دالاسىندا اناعۇرلىم كوپ جاڭا قوزعاۋشى قۋاتتىڭ ٴوسۋ ٴتۇيىنىن، قۇرىلىم رەتتەۋدىڭ سەرپىلىس ٴتۇيىنىن، ونىمدىلىكتى جوعارىلاتۋدىڭ شەشۋشى ٴتۇيىنىن جارىققا شىعاردى.
2023 ـ جىلى 11 ـ ايدىڭ سوڭىنا دەيىن اۆتونوميالى رايوننىڭ ٴتۇيىندى نىساندارىنا ناقتى زات جۇمىس مولشەرىنە قاراي جالپى 318 ميلليارد يۋان قارجى قوسىلىپ، بىلتىرعى سول تۇستاعىدان 9.1 پايىز ارتىپ، جىلدىق جوسپار %106 بولىپ ورىندالدى.
”2023 ـ جىلى شينجياڭنىڭ تۇراقتى مۇلىككە قوسقان قارجىسىنىڭ ارتۋ قارقىنى ۇزدىكسىز بۇكىل ەل بويىنشا الدىڭعى قاتاردى يەلەپ، ەكونوميكانىڭ دامۋىنا پارمەندى تىرەك ازىرلەدى“، ـ دەدى اۆتونوميالى رايوندىق دامۋ جانە رەفورما كوميتەتى تۇراقتى مۇلىككە قارجى قوسۋ باسقارماسىنىڭ باستىعى جاڭ يۇڭلياڭ.
وسى مول ونىمدەر ٴبىر كۇننىڭ ۇلەسى ەمەس.
وتكەن ٴبىر جىلدا اۆتونوميالى رايون 10” ۇلكەن مەحانيزمدى“ نەگىزگى ارقاۋ، ”التى ماڭىزدى“ ٴتىزىمدى تۇتقا، ەگجەي ـ تەگجەيلى شارالاردى تىرەك ەتىپ، نىساندى يگەرۋ، قارجى قوسۋدى جەبەۋ، ارتتىرۋدى ورنىقتىرۋ قىزمەتىنىڭ جۇيەلىلىگىن، تۇتاس تۇلعالىلىعىن جانە سايكەسىمدىلىگىن ۇزدىكسىز جوعارىلاتىپ، بۇكىل رايوننىڭ قارجى قوسۋىنىڭ ورنىقتى، اقاۋسىز ارتۋدى ساقتاۋى ٴۇشىن ٴونىمدى مەحانيزمدىك قامتاماسىزدىق ازىرلەدى.
اۆتونوميالى رايون، ايماق، اۋدان 3 دارەجەنىڭ بىرلەسىپ ورنالاستىرۋىن تياناقتاندىرۋدا شينجياڭ ايماق (وبلىس، قالا) جانە كاسىپتىك تاراۋلاردىڭ ”ەكى بەلسەندىلىگىن دە“ تولىق جۇمىلدىرىپ، كەلەلى نىسانداردى ورنالاستىرۋ ٴماجىلىسىن 9 رەت ۇيىمداستىرىپ اشىپ، كۇشتى توپتاپ بايلىقتى بىرىكتىرىپ، ماسەلەلەردى تەكسەرىپ العا قويىپ، قيىن تۇيىندەردى شەشۋدەن قامال الىپ، ناقتى زات جۇمىس مولشەرىن جەدەل قالىپتاستىرىپ، قارجى قوسۋدى ورىنداۋ سالىستىرماسىن قۇلشىنا جوعارىلاتىپ، كاسىپتەرگە قارجى قوسۋ جانە جەرگىلىكتى ورىندارعا قارجى قوسۋ نەگىزگى جاعدايىن بار كۇشپەن ورنىقتىردى.
ەكپىندەي ىلگەرىلەۋ بارىسى جىل بويى ساباقتاستى، تيانشان الابىنا كوز جىبەرسەك، كەلەلى نىساندار قۇرىلىسىنىڭ ٴۇرتىس ىلگەرىلەتىلۋى شينجياڭنىڭ ەكونوميكالىق دامۋىنىڭ اناعۇرلىم تەبىندى بولۋىنا مۇمكىندىك جاساعان.
ٴتۇيىندى كاسىپتەردىڭ ”سەركەلىك“ رولى ساۋلەلەندىرىلدى
2023 ـ جىلى 8 ـ ايدا باس شۋجي شي جينپيڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا بىلاي دەپ باسا دارىپتەدى: ”شينجياڭنىڭ ەرەكشەلىگى مەن باسىمدىعىن ايگىلەيتىن وسىزاماندانعان كاسىپ سالاسى جۇيەسىن جەدەل قۇرىپ، شينجياڭنىڭ جوعارى ساپالى دامۋ ارناسىنا قادام تاستاۋىن ىلگەرىلەتۋ كەرەك“.
ىقىلاستى تاپسىرما شينجياڭنىڭ جوعارى ساپالى دامۋعا قادام تاستاۋى ٴۇشىن العا باسۋ بەتالىسىن ونان ارى ايقىنداپ كورسەتتى.
جاڭا دامۋ جورىعىنا قادام تاستاپ، كەزەڭدىك جاڭا ەرەكشەلىكتەردى، جاڭا تالاپتاردى يگەرگەن شينجياڭ جاڭا دامۋ ۇستانىمىن تولىق، دالمە ـ ٴدال، جاپپاي دايەكتىلەندىرىپ، ”8 ٴىرى كاسىپ سالاسى شوعىرىن“ تىرەك ەتكەن وسى زامانعى كاسىپ سالاسى جۇيەسىن كۇشتى شوعىرلاندىرا تۇلعالادى.
1 ـ ايدىڭ 1 ـ كۇنى تارىم مۇناي الابىنان قۋانىشتى حابار كەلدى: 2023 ـ جىلى مۇناي ـ تابيعي گاز الابىنىڭ مۇناي ـ تابيعي گاز ٴونىم مولشەرى ەكۆيۆالەنتى 33 ميلليون 530 مىڭ تونناعا جەتىپ، سايكەس مەزگىلدەگىدەن 430 مىڭ توننا ارتىپ، تاريحتاعى تىڭ دەڭگەيگە جەتتى. بۇل تارىم مۇناي الابىندا ٴۇرتىس 4 جىل بويى مۇناي ـ تابيعي گاز ٴونىم مولشەرىنىڭ 30 ميلليون توننادان اسۋى ٴارى ورنىقتى ارتۋدى ساقتاۋى بولىپ تابىلادى.
2023 ـ جىلى شينجياڭ كومىردى نەگىز، مۇناي ـ تابيعي گازدى ٴتۇيىن، جاڭا ەنەرگيانى بەتالىس ەتىپ، جاڭا داۋىردەگى مەملەكەتتىڭ ”ٴۇش بازا، ٴبىر ارنا“ قۇرىلىسىن جاپپاي ىلگەرىلەتىپ، ەنەرگيا بايلىعى مەن كاسىپ سالاسى باسىمدىعىن ونان ارى ساۋلەلەندىردى.
جاڭالىق اشۋدان ومىرشەڭدىك كۇش الۋ، ”زەردەلى جاساۋ“ ارقىلى بازاردى كەڭەيتۋ شينجياڭنىڭ كوپتەگەن ٴداستۇرلى باسىمدىققا يە كاسىبىنىڭ جاستىق جالىنىن قاۋلاتۋىنىڭ قۇپياسىنا اينالدى.
1 ـ ايدىڭ 1 ـ كۇنى شينجياڭ تيانچى ەنەرگيا شەكتى جاۋاپكەرشىلىك سەرىكتەستىگىنىڭ وڭتۇستىك اشىق كومىر كەنىندە جۇزدەگەن شوفەرسىز كەن اۆتوموبيلى جۇمىس جۇرگىزۋدە. 2023 ـ جىلى 2 ـ ايدا وسى كومىر كەن شينجياڭداعى تۇڭعىش زەردەلىلەنۋدەن ۇلگى كورسەتۋ قۇرىلىسىنداعى اشىق كومىر كەنى بولدى.
وڭتۇستىك اشىق كومىر كەنىنىڭ باس ينجەنەرى جۋ تاۋ بىلاي دەپ تانىستىردى: قارجى ۇسىنىلىمىن ارتتىرۋ جانە 5G، SDN، شەكتەس ەسەپتەۋ سياقتى كوپتەگەن ينتەرنەتتىك عىلىم ـ تەحنيكا تاسىلدەرىن زور كۇشپەن قولدانۋ ارقىلى زەردەلى تەحنيكا ٴداستۇرلى كومىر كاسىپ سالاسىندا جاڭا كەلبەتىن ايگىلەدى.
باۋگاڭ توبى شينجياڭ 1 ـ تامىز بولات ـ تەمىر شەكتى سەرىكتەستىگىنىڭ ٴوندىرىس باقشا رايونىندا دۇنيە جۇزىندەگى تۇڭعىش مول سۋتەگى ـ كومىرتەگى اينالمالى وتتەكتى دومنا پەش ساۋدالىق ۇلگى كورسەتۋ نىسانى بوي سوزىپ تۇر. وسى تەحنيكالىق ٴتاسىل الەمدەگى جاسىل، تومەن كومىر قىشقىل گازدى مەتال قورىتۋ سالاسىنداعى جاسىل، تومەن كومىر قىشقىل گازدى تەحنيكانىڭ ەلەۋلى سەرپىلىسى بولىپ تابىلادى.
جاڭا، كونە قوزعاۋشى قۋاتتاردىڭ اۋىسۋىن جەدەلدەتۋ عىلىم ـ تەحنيكادا جاڭالىق اشۋ سىندى ”شەشۋشى اينىمالى شامانى“ جوعارى ساپالى دامۋداعى ”ەڭ ۇلكەن ارتۋ شاماسىنا“ اينالدىرىپ، كاسىپ سالاسى دامۋىنىڭ جەدەل جوعارى دەڭگەيلەنۋگە، زەردەلىلەنۋگە، جاسىلدانۋعا قاراي قادام تاستاۋىن ۇزدىكسىز ىلگەرىلەتتى. ٴبىر قىدىرۋ جاڭا ۇلگى، جاڭا كاسىپ كۇيى، جاڭا وزگەرىس بىرىنەن سوڭ ٴبىرى جارىققا شىعىپ، ەكونوميكا دامۋىنىڭ جارقىن تۇيىنىنە اينالدى.
2023 ـ جىلى شينجياڭ شياڭشىڭ جاڭا ماتەريالدار عىلىم ـ تەحنيكا شەكتى سەرىكتەستىگىنىڭ دەربەس جاڭالىق اشا زەرتتەپ وندىرگەن ەل ىشىندەگى ەڭ ۇلكەن كەۋەكتى تيتان پەشى تيبىندەگى ٴونىمى 20 توننالىق كەۋەكتى تيتان ەلىمىزدىڭ تيتان ماتەريالى كاسىپ سالاسى تەحنيكاسىندا دۇنيە ٴجۇزىنىڭ الدىڭعى قاتارىنا وتكەندىگىن بىلدىرەدى؛ شينجياڭ جۇڭحى جارنا شەكتى سەرىكتەستىگى6N ( 99.9999%) دارەجەسىنەن جوعارى ەرەكشە جوعارى تازا اليۋمين زەرتتەپ اشۋىندا تابىسقا جەتىپ، جوعارى تازا اليۋمين ايىرۋ تەحنيكاسى دۇنيە ٴجۇزى بويىنشا وزىق دەڭگەيگە جەتتى؛ ەلىمىزدىڭ تۇڭعىش ٴبىر جولدا پىشىندەلگەن ەرەكشە جۇقا يىلگىش ەلەكتروندى اينەگىنىڭ (UTG) ٴوندىرىس لەنياسى اقسۋدا رەسمي وندىرىسكە قوسىلىپ، ەل ىشىندەگى جوعارى دەڭگەيدەگى ەكران ماتەريالى سالاسىنداعى اقتاڭداقتى ٴونىمدى تولتىردى...
ٴداستۇرلى كاسىپتەر دارەجەسىن جوعارىلاتىپ، دەڭگەيىن كوتەردى، جاڭادان گۇلدەنگەن كاسىپتەر وراسان زور دامۋ كومەسكى كۇشى مەن قۇدىرەتتى جەتەكتەۋ قۋاتىن جارىققا شىعارىپ، ”ىلگەرىلەۋدىڭ“ ەكپىن قۋاتى قايراتتانا قامال بۇزىپ، ”جاڭا“ كۇشتەر بۋىن تارتىپ جەتىلىپ، شينجياڭنىڭ اناعۇرلىم بيىك شىڭعا ۇمتىلۋىن، اناعۇرلىم ۇزاق كوك تەڭىزگە جەلكەن جايۋىن ىلگەرىلەتتى.
ٴتۇيىندى وڭىرلەر ماڭىزدى مىندەت ارقالادى
2023 ـ جىلى قارامايلى قالاسىنداعى ستراتەگيالىق جاڭادان گۇلدەنگەن كاسىپ سالالارىنان ٴجيى ـ ٴجيى جاقسى حابار جەتتى _
الدىمەن، شينجياڭ جيڭپين 12GW جوعارى ٴونىمدى جالاڭ كريستالدى كرەمني تاياقشاسى جانە كرەمني جاپىراقشاسى نىسانى (1 ـ مەرزىمدىك) ٴساتتى تۇتاندىرىلىپ، سىناق رەتىندە وندىرىسكە قوسىلىپ، شينجياڭنىڭ جوعارى ٴونىمدى جالاڭ كريستالدى كرەمني تاياقشاسىن جانە كرەمني جاپىراقشاسىن ٴوندىرۋدەگى اقتاڭداقتى تولتىردى؛
سودان كەيىن بۇكىل ەلدەگى كولەمى ەڭ زور كومىر ـ ەلەكتر CCUS (كومىر قىشقىل گازىن جيناۋ، پايدالانۋ جانە ساقتاۋ تەحنيكاسى) ٴبىر تۇلعالاندىرۋ نىسانى سالىنا باستادى، سالىنىپ بولعاننان كەيىن، قارامايلى مۇناي، مۇناي حيميا كاسىپ سالاسىنىڭ زور كولەمدەگى قايتا تۋىندايتىن ەنەرگيامەن الماستىرۋدى جۇرگىزۋى ٴۇشىن قاۋىرت كەزدە رەتتەۋ قۋاتىن ازىرلەپ، سولتۇستىك شينجياڭ ٴوڭىرى ەلەكتر تورىنىڭ حاۋىپسىز جۇمىس جۇرگىزۋىنە مىعىم ەلەكتر قۋاتى تىرەگىن ازىرلەيدى.
ٴۇرىمجى قالاسى ورتالىق قالا رەتىندە، شينجياڭنىڭ باسىمدىعى جانە دامۋ نەگىزى، دامۋ ماڭىزدى فاكتورلارى سياقتى جاقتاردىڭ بارىندە سالىستىرمالى باسىمدىققا يە، 2023 ـ جىلى الدىڭعى 11 ايدا ەكونوميكالىق اينالىم جەدەل جاقسارۋ كۇيىن بايقاتتى.
سانجى حۇيزۋ اۆتونوميالى وبلىسى نازاردى ”تىزبەككە“ اۋدارىپ، 2023 ـ جىلعى شينجياڭ . سانجى ”تىزبەك يەسى“ كاسىپورىن، كاسىپ سالاسى ساۋداگەر شاقىرۋ بويىنشا رياسىز كەڭەس ٴماجىلىسىن وتكىزىپ، بۇكىل ەلدىڭ جەر ـ جەرىنەن كەلگەن كاسىپورىنشىلاردى ۇسىنىس ەتىپ، ”تىزبەكتە“ سانجىمەن تۇتاسۋدى، ”جىبەك جولىمەن“ توعىسۋدى نەگىزگى تاقىرىپ ەتىپ، كاسىپ سالاسىنىڭ گۇلدەنۋىن بىرگە كوزدەپ، دامۋدىڭ شارالارىن بىرگە اقىلداسىپ، سەلبەستىك جولىن بىرگە اشىپ، سانجى وبلىسىنداعى ٴتۇيىندى كاسىپ سالالارى تىزبەگىنىڭ ۇزارۋىن، ەرەكشە كاسىپ سالالارىنىڭ شوعىرلانۋىن، ەكونوميكانىڭ جوعارى ساپالى دامۋىن ىلگەرىلەتتى.
ٴۇرىمجى _ قارامايلى _ سانجى اۋماعى شينجياڭ ەكونوميكاسىنىڭ جوعارى ساپالى دامۋىنداعى وزەكتى قوزعالتقىش جانە جىبەك جولى ەكونوميكالىق بەلدەۋىنىڭ وزەكتى رايونىن قۇرۋداعى شەشۋشى ٴتۇيىن، جوعارى ساپالى دامۋدى ىلگەرىلەتۋدە كوپتەگەن كومەسكى كۇشتەردى جانە باسىمدىقتارعا يە.
2023 ـ جىلى 3 ـ ايدا تۇتاس رايوننىڭ جوعارى ساپالى دامۋى (ٴۇرىمجى _ قارامايلى _ سانجى اۋماعى) جونىندەگى جۇمىس باسى ٴماجىلىسى ۇرىمجىدە اشىلىپ، ماسەلەنى باعدار ەتۋگە تاباندى بولىپ، نازاردى قيىن ماسەلەلەردى شەشۋگە شوعىرلاندىرىپ، ٴۇرىمجى _ قارامايلى _ سانجى اۋماعى ەكونوميكاسىنىڭ، قوعامىنىڭ دامۋىندا تىڭ سەرپىلىسكە قول جەتكىزدى. وسىدان كەيىن اۆتونوميالى رايون ىركەس ـ تىركەس وڭتۇستىك شينجياڭ، شىعىس شينجياڭ، سولتۇستىك شينجياڭ اۋماقتارىنىڭ جوعارى ساپالى دامۋ قىزمەتىن اقىلداسىپ جانە ورنالاستىرىپ، ەكونوميكانىڭ، قوعامنىڭ جوعارى ساپالى دامۋىن ىلگەرىلەتۋدىڭ كۇشتى سيگنالىن شالدى.
جوعارى ساپالى دامۋدىڭ ٴتۇبىرلى تالابىن ىشكەرىلەي يگەرىپ، جاڭا دامۋ ۇستانىمىن تولىق، دالمە ـ ٴدال، جاپپاي دايەكتىلەندىرۋ ٴۇشىن، 2023 ـ جىلى شينجياڭنىڭ ٴتۇيىندى وڭىرلەرى وزدەرىنىڭ سالىستىرمالى باسىمدىقتارىن ساۋلەلەندىرىپ، ارتۋدى ورنىقتىرىپ، ارقا تىرەك بولىپ، ەكونوميكاعا بار كۇشىن سالدى.
سولتۇستىك شينجياڭنىڭ تارباعاتايىندا شينجياڭ تارباعاتاي ٴتۇيىندى وركەندەتۋ، ەسىك اشۋ سىناق رايونى قۇرىلىسى قارقىندى ىلگەرىلەتىلدى. سىناق رايونى شاۋەشەك قالاسى شەكارا ەكونوميكالىق سەلبەستىك رايونىنىڭ بايلىعىن بىرىكتىرىپ، سىناق رايونى پارتيا قىزمەتى كوميتەتىنىڭ (باسقارۋ كوميتەتى) ماڭدايشالىعىن ٴىلىپ قۇرىپ، سىناق رايونىن قۇرۋدىڭ بىرىككەن كۇشىن قالىپتاستىردى. سونىمەن بىرگە تارباعاتاي ايماعىنىڭ ” 23تارماق“ دارىندىلار جاڭا ساياساتىن شىعارىپ، ٴتىپتى دە اشىق، يكەمدى، ەركىن بولعان دارىندىلاردى ەنگىزۋ جانە باسقارۋ مەحانيزمىن ورناتىپ، سىناق رايونىنىڭ جوعارى ساپالى دامۋدىڭ جاڭا جورىعىندا جەلمەن جارىسىپ، تولقىن جارا العا ىلگەرىلەۋىنە كۇش ۇستەدى.
شىعىس شينجياڭدا قۇمىل ورايدى مىقتى يگەرىپ، وسىزاماندانعان كەشەندى ەنەرگيانى دامىتۋدىڭ جاڭا ۇلگىسىن تۇلعالادى، ەنەرگيا بايلىعى كاسىبى ۇزدىكسىز جوعارى دەڭگەيگە قاراي بۋىن جاڭالاۋعا، وسىزامانداۋعا بەت الىپ دامىدى.
...
شينجياڭنىڭ جەر ـ جەرى جوعارى ساپالى دامۋ سىندى ماڭداي الدى مىندەتتى جانە جاڭا دامۋ ارناسىن قالىپتاستىرۋ سىندى ستراتەگيالىق مىندەتتى مىقتى ۇستاپ، ٴتۇرلى قىزمەتتەردى تايعا تاڭبا باسقانداي جاقسى ىستەپ، 2024 ـ جىلدا جوعارى ساپالى دامۋ بويىنشا ىسكە كىرىسپ، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ٴىسى ٴۇشىن تىڭ ۇلەس قوسادى.
