گېزىتىمىز، ئۈرۈمچى، 7 ـ ئاينىڭ 21 ـ كۈنى خەۋىرى ئانار بۇلۇت\شىنجاڭ گېزىتى مۇخبىرى لى ياڭ خەۋەر قىلىدۇ: 7 ـ ئاينىڭ 21 ـ كۈنى چۈشتىن بۇرۇن، ئاپتونوم رايوننىڭ رەئىسى ئەركىن تۇنىياز ئاپتونوم رايونلۇق ھۆكۈمەتنىڭ دائىمىي يىغىنىنى رىياسەتچىلىك قىلىپ ئاچتى، يىغىندا باش شۇجى شى جىنپىڭنىڭ شىنجاڭنى كۆزدىن كەچۈرگەندە قىلغان مۇھىم سۆزى، بەرگەن مۇھىم يوليورۇقىنىڭ روھى يەنىمۇ چوڭقۇر ئۆگىنىلدى، ئىزچىللاشتۇرۇلدى، ھۆكۈمەت سىستېمىسىنىڭ باش شۇجىنىڭ، پارتىيە مەركىزىي كومىتېتىنىڭ شىنجاڭ خىزمىتى توغرىسىدىكى تەدبىر ـ ئورۇنلاشتۇرمىلىرىنى ئىزچىللاشتۇرۇشى، ئەمەلىيلەشتۈرۈشى قايتا ئورۇنلاشتۇرۇلدى، قايتا ئالغا سىلجىتىلدى، قايتا ئەمەلىيلەشتۈرۈلدى. ئاپتونوم رايونلۇق پارتىيە كومىتېتىنىڭ خىزمەت تەلىپى بويىچە، كەسپىي، تۈجۈپىلىك، ئۆزگىچە، يېڭىچە ئوتتۇرا، كىچىك كارخانىلارنىڭ تەرەققىياتىنى قوللاش، ساياھەتچىلىكنىڭ رىقابەت كۈچىنى كۈچەيتىش، ئىشقا ئورۇنلاشتۇرۇشنى مۇقىملاشتۇرۇش سىياسەت ـ تەدبىرلىرىنى ئەلالاشتۇرۇش، تەڭشەش، دۆلەت نۇقتىلىق ئېكولوگىيە فۇنكسىيەلىك رايونلىرىنىڭ مۇھىتىنى قوغداشنى كۈچەيتىش قاتارلىق خىزمەتلەر مۇھاكىمە قىلىندى.
يىغىندا مۇنداق كۆرسىتىلدى: سىياسىي يېتەكچىلىكتە چىڭ تۇرۇپ، نەزەرىيە بىلەن قوراللىنىشنى كۈچەيتىپ، باشتىن ـ ئاخىر باش شۇجى شى جىنپىڭنىڭ شىنجاڭنى كۆزدىن كەچۈرگەندە قىلغان مۇھىم سۆزى، بەرگەن مۇھىم يوليورۇقىنىڭ روھىنى سىجىل، چوڭقۇر ئۆگىنىش، ئىزچىللاشتۇرۇشنى مۇھىم، زور سىياسىي ۋەزىپە قىلىپ، باش تېما تەربىيەسىنى پۇختا قانات يايدۇرۇش بىلەن بىرلەشتۈرۈپ، پارتىيە 20 ـ قۇرۇلتىيى روھىنى ئومۇميۈزلۈك ئىزچىللاشتۇرۇش، ئەمەلىيلەشتۈرۈش بىلەن بىرلەشتۈرۈپ، يېڭى دەۋردىكى پارتىيەنىڭ شىنجاڭنى ئىدارە قىلىش تەدبىرىنى تولۇق، دەل جايىدا ئىزچىللاشتۇرۇش بىلەن بىرلەشتۈرۈپ، «ئىككىنى تىكلەش»نى سادىقلىق بىلەن قوغداش، «ئىككىنى قوغداش»نى قەتئىي ئىشقا ئاشۇرۇش كېرەك. قەتئىي تەۋرەنمەي يېڭى تەرەققىيات ئىدىيەسىنى ئىزچىللاشتۇرۇپ، ئىقتىساد، جەمئىيەتنىڭ يۇقىرى سۈپەتلىك تەرەققىياتىنى ئالغا سىلجىتىشنى سىستېمىلىق پىلانلاپ، خەلق تۇرمۇشىنى ياخشىلاش سالمىقىنى يەنىمۇ زورايتىپ، ھۆكۈمەت ئىدارە قىلىش ئىقتىدارى ۋە مۇلازىمەت سەۋىيەسىنى كۈچەپ ئۆستۈرۈپ، خىزمەت ئىستىلىنى ياخشىلاشتا ئۇزاققىچە چىڭ تۇرۇپ، باش شۇجىنىڭ مۇھىم سۆزى، مۇھىم يوليورۇقىنىڭ روھىنى ئىزچىللاشتۇرۇش، ئەمەلىيلەشتۈرۈشنى ھەقىقىي تۇتۇپ ئەمەلىي ئىشلەشتە نامايان قىلىش، كونكرېت مەسىلىلەرنى ھەل قىلىشتا ئەمەلىيلەشتۈرۈش كېرەك.
يىغىندا مۇنداق كۆرسىتىلدى: ئوتتۇرا، كىچىك كارخانىلارنىڭ يۇقىرى سۈپەتلىك تەرەققىياتىغا كۈچەپ تۈرتكە بولۇپ، «ھۆكۈمەت يېتەكلەش، كارخانا ئاساسىي گەۋدە بولۇش، يېڭىلىق يارىتىش ئارقىلىق تۈرتكە بولۇش، سۈپەت ـ ئۈنۈمنى ئالدىنقى ئورۇنغا قويۇش، تۈرلەرگە ئايرىپ تەدبىر يۈرگۈزۈش، قاتلام بويىچە ئالغا سىلجىتىش» پىرىنسىپىدا چىڭ تۇرۇپ، مەبلەغ بىلەن دەل جايىدا يۆلەش سالمىقىنى زورايتىپ، ئىشلەپچىقىرىش، ئوقۇتۇش، تەتقىقات، ئىشلىتىشتە ھەمكارلىشىپ يېڭىلىق يارىتىشقا تۈرتكە بولۇپ، دۆلەت ئىچى ـ سىرتىدىكى بازارلارنى ئېچىشقا مەدەت ۋە ئىلھام بېرىپ، ئىختىساسلىقلارنى كىرگۈزۈش مۇلازىمەت مېخانىزمى ۋە يانداش تەدبىرلەرنى تاكامۇللاشتۇرۇپ، تىجارەت ـ سودا مۇھىتىنى ھەقىقىي تۈردە ئەلالاشتۇرۇپ، ئاپتونوم رايونىمىزدىكى يېڭىلىق يارىتىشچان، كەسپىي، تۈجۈپىلىك، ئۆزگىچە، يېڭىچە ئوتتۇرا، كىچىك كارخانىلارنىڭ سان، كۆلەم، ئۈنۈم جەھەتتە كۆرۈنەرلىك بۆسۈش ھاسىل قىلىشىغا تۈرتكە بولۇپ، ئاپتونوم رايوننىڭ ئىقتىساد، جەمئىيىتىنىڭ يۇقىرى سۈپەتلىك تەرەققىياتىنى كۈچلۈك تىرەك بىلەن تەمىنلەش كېرەك.
يىغىندا مۇنداق كۆرسىتىلدى: ئىشقا ئورۇنلاشتۇرۇش خىزمىتىنى ئالدىنقى ئورۇنغا قويۇشتا چىڭ تۇرۇپ، ياسىمىچىلىق، كەسىپلەر باغچە رايونى قاتارلىقلارنىڭ ئىش ئورنىنى مۇقىملاشتۇرۇش، ئىش ئورنىنى كېڭەيتىشتىكى مۇھىم رولىنى پائال جارى قىلدۇرۇپ، سىياسەت پايدىسىنى سىجىل قويۇپ بېرىش كېرەك. ئىشسىزلىق سۇغۇرتىسى ھەققىنى ئىش ئورنىنى مۇقىملاشتۇرۇش بويىچە قايتۇرۇش سىياسىتىنى داۋاملىق يولغا قويۇپ، «بىۋاسىتە ياردەم تولۇقلىمىسى بېرىپ تېز بېجىرىش» ئەندىزىسىنى سىجىل يولغا قويۇپ، ئىشقا ئورۇنلىشىش بويىچە پىراكتىكا ئىش ئورنى توپلاش پىلانىنى يولغا قويۇپ، قىيىنچىلىقى بار ئاممىغا ئىشقا ئورۇنلىشىش بويىچە ياردەم قىلىش ـ يۆلەشنى يەنىمۇ كۈچەيتىپ، ئىشقا ئورۇنلاشتۇرۇش مۇلازىمەت سۈپىتىنى ئۆستۈرۈپ، ئىشقا ئورۇنلاشتۇرۇش سىياسىتىنى تەشۋىق قىلىش سالمىقىنى زورايتىپ، ئاپتونوم رايونىمىزنىڭ ئىشقا ئورۇنلىشىش ئومۇمىي ۋەزىيىتىنىڭ مۇقىملىقىغا تىرىشىپ ھەقىقىي كاپالەتلىك قىلىش كېرەك.
يىغىندا مۇنداق تەلەپ قىلىندى: شىنجاڭنى ساياھەت ئارقىلىق گۈللەندۈرۈش ئىستراتېگىيەسىنى پۇختا ئالغا سىلجىتىپ، مەنزىرە رايونى، مەنزىرە نۇقتىلىرىنىڭ ئۇل ئەسلىھەلىرىدىكى كەمتۈكلۈكلەرنى تولۇقلاشنى تېزلىتىپ، نۇقتىلىق مەنزىرە رايونلىرىنىڭ سۈپەتنى ئاشۇرۇپ دەرىجىسىنى ئۆستۈرۈشكە تۈرتكە بولۇپ، مەنزىرە رايونلىرىنىڭ بەرداشلىق بېرىش كۈچى ۋە مۇلازىمەت سۈپىتىنى ئۆستۈرۈش كېرەك. ساياھەت بازىرى تەرتىپىنى يەنىمۇ قېلىپلاشتۇرۇپ، بەلگىلىمىگە خىلاپلىق قىلىپ باھانى ئېنىق يازماسلىق، ساختا تەشۋىقات، مال سېتىۋېلىشقا مەجبۇرلاش، باھا ئالدامچىلىقى قاتارلىق قانۇن ـ بەلگىلىمىگە خىلاپ قىلمىشلارغا قاتتىق زەربە بېرىش كېرەك. ساياھەت كارخانىلىرىنىڭ سۇبيېكتلىق مەسئۇلىيىتىنى قاتتىق ئەمەلىيلەشتۈرۈپ، بىخەتەر ئىشلەپچىقىرىش قىزىل سىزىقىنى مۇستەھكەملەپ، بىخەتەر ساياھەت مۇھىتى بەرپا قىلىش كېرەك. ئېكولوگىيە مەدەنىيلىكى قۇرۇلۇشىنىڭ سىياسىي مەسئۇلىيىتىنى قەتئىي زىممىگە ئېلىپ، دۆلەتنىڭ نۇقتىلىق ئېكولوگىيە فۇنكسىيەلىك رايونلىرىنىڭ كەسىپ ئىجازىتى پاسسىپ تىزىملىكى تۈزۈمىنى ئەمەلىيلەشتۈرۈپ، تەبىئىي بايلىقلارنى تەرتىپلىك ئېچىش ۋە كەسىپلەرنى مۇۋاپىق ئورۇنلاشتۇرۇشقا يېتەكلەپ، ئادەم بىلەن تەبىئەت ئىناق بىللە ئۆتىدىغان زامانىۋىلاشتۇرۇشنى تېز ئالغا سىلجىتىش كېرەك.
يىغىندا يەنە باشقا ئىشلار مۇھاكىمە قىلىندى.
