گېزىتىمىز، ئۈرۈمچى، 7 ـ ئاينىڭ 21 ـ كۈنى خەۋىرى ئانار بۇلۇت\شىنجاڭ گېزىتى مۇخبىرى ليۇ شياڭ خەۋەر قىلىدۇ: 7 ـ ئاينىڭ 21 ـ كۈنى، ئاپتونوم رايوننىڭ نامراتلىقتىن قۇتۇلدۇرۇش ئۆتكىلىگە ھۇجۇم قىلىش نەتىجىلىرىنى مۇستەھكەملەش، كېڭەيتىشنى يېزا ـ كەنتلەرنى گۈللەندۈرۈش بىلەن ئۈنۈملۈك جىپسىلاشتۇرۇش خىزمىتى يىغىنى ئېچىلدى. ئاپتونوم رايونلۇق پارتىيە كومىتېتى دائىمىي كومىتېتىنىڭ ئەزاسى، تەشكىلات بۆلۈمىنىڭ بۆلۈم باشلىقى جاڭ جۇ يىغىنغا قاتناشتى ھەم سۆز قىلدى.
يىغىندا مۇنداق كۆرسىتىلدى: ھەرقايسى جايلار، ھەرقايسى تارماقلار سىياسىي يۈكسەكلىكنى ئۆستۈرۈپ، نامراتلىقتىن قۇتۇلدۇرۇش ئۆتكىلىگە ھۇجۇم قىلىش نەتىجىلىرىنى مۇستەھكەملەش، كېڭەيتىشنى يېزا ـ كەنتلەرنى گۈللەندۈرۈش بىلەن ئۈنۈملۈك جىپسىلاشتۇرۇشنىڭ مۇھىم، زور ئەھمىيىتىنى تولۇق تونۇپ، قەتئىي تۈردە ئىدىيە ۋە ھەرىكەتنى پارتىيە مەركىزىي كومىتېتىنىڭ تەدبىر ـ ئورۇنلاشتۇرمىلىرىغا بىرلىككە كەلتۈرۈپ، ئاپتونوم رايونلۇق پارتىيە كومىتېتىنىڭ تەلىپى بويىچە، ھەقىقىي تۈردە نامراتلىقتىن قۇتۇلدۇرۇش ئۆتكىلىگە ھۇجۇم قىلىش نەتىجىلىرىنى مۇستەھكەملەش، كېڭەيتىش، يېزا ـ كەنتلەرنى گۈللەندۈرۈشنى ئومۇميۈزلۈك ئالغا سىلجىتىشتىكى تۈرلۈك خىزمەتلەرنى چوڭقۇر، ئىنچىكە، پۇختا ئىشلىشى كېرەك.
يىغىندا مۇنداق تەكىتلەندى: تۆۋەن چەك تەپەككۇرى، مەسىلە يۆنىلىشىدە چىڭ تۇرۇپ، كەمتۈكلۈكلەرنى تولۇقلاپ، ئاجىز تۈرلەرنى كۈچەيتىپ، كۆلەملىك قايتا نامراتلىشىپ كېتىش يۈزبەرمەسلىك تۆۋەن چېكىنى مەھكەم ساقلاپ، نامراتلىقتىن قۇتۇلدۇرۇش ئۆتكىلىگە ھۇجۇم قىلىش نەتىجىلىرىنى قەتئىي ياخشى مۇستەھكەملەش، كېڭەيتىش كېرەك. قايتا نامراتلىشىپ كېتىشنىڭ ئالدىنى ئېلىش بويىچە كۆزىتىپ ئۆلچەش، ياردەم قىلىش ـ يۆلەشنى ياخشى مۇكەممەللەشتۈرۈپ، ئەمەلىيلەشتۈرۈپ، پەرقلەندۈرۈپ كىرگۈزۈشنى يەنىمۇ كۈچەيتىپ، دەل جايىدا نىشانلىق تەدبىر قوللىنىپ، قايتا نامراتلىشىپ كېتىش، نامراتلىشىپ كېتىش خەۋپ ـ خەتىرىنى تۈگىتىش كېرەك؛ نامراتلىقتىن قۇتۇلغان ئاممىنىڭ كىرىمىنى سىجىل، مۇقىم ئاشۇرۇشقا تۈرتكە بولۇپ، تەھلىل قىلىش، ھۆكۈم قىلىشنى كۈچەيتىپ، دەل جايىدا تەدبىر قوللىنىشتا چىڭ تۇرۇپ، ئىز قوغلاپ كۆزىتىپ ئۆلچەشنى كۈچەيتىپ، نامراتلىقتىن قۇتۇلغان ئاممىنىڭ تۇرمۇشىنى تېخىمۇ يۇقىرى پەللىگە كۆتۈرۈش كېرەك؛ نامراتلىقتىن قۇتۇلغان رايونلارنىڭ باشقا رايونلار بىلەن بولغان تەرەققىياتتىكى پەرقىنى كىچىكلىتىپ، «ئۈچتە كاپالەتلەندۈرۈش» ۋە ئىچىدىغان سۇ بىخەتەرلىكىگە كاپالەتلىك قىلىش نەتىجىلىرىنى سىجىل مۇستەھكەملەشكە ھەقىقىي كاپالەتلىك قىلىش كېرەك؛ جىپسىلاشتۇرۇش مەبلىغى تۈرلىرىنى باشقۇرۇشنى ياخشى تۇتۇپ، تۈرلەرنى ئىلمىي پىلانلاپ، مەبلەغ ئىشلىتىش شەكلىنى ئەلالاشتۇرۇپ، كېيىنكى ئىگىلىك باشقۇرۇش، قوغداشنى يەنىمۇ كۈچەيتىش كېرەك؛ تۈرلۈك ئىشقا ئورۇنلاشتۇرۇشنى ئىلگىرى سۈرۈش سىياسەتلىرىنى بىرتۇتاش پىلانلاپ ئەمەلىيلەشتۈرۈپ، نامراتلىقتىن قۇتۇلغان نوپۇسنىڭ ئىش ئورنىنى مۇقىملاشتۇرۇپ ئىشقا ئورۇنلىشىشىنى ئىلگىرى سۈرۈش كېرەك؛ يېزا ـ كەنتلەرنىڭ خاس كەسىپلىرىنى يۆلەپ، زورايتىپ، ھويلا ـ ئاران ئىگىلىكىنى پائال تەرەققىي قىلدۇرۇپ، ياردەم قىلىش ـ يۆلەش مۈلكىنى جانلاندۇرۇپ ۋە ئۇنىڭدىن ياخشى پايدىلىنىپ، نامراتلىقتىن قۇتۇلغان نوپۇسنىڭ ئائىلە تىجارەت خاراكتېرلىك كىرىم نىسبىتىنى ئۆستۈرۈش كېرەك؛ ياردەم قىلىش ـ يۆلەش بىرىكمە كۈچىنى مۇجەسسەملەپ، ياردەم قىلىش ـ يۆلەش سىياسىتىنىڭ مۇقىملىقىنى ساقلاپ، نامراتلىقتىن قۇتۇلغان ئاممىنىڭ ئەمەلىي نەپكە ئېرىشىشىگە ھەقىقىي كاپالەتلىك قىلىش كېرەك.
مەردان مۇقىيىت يىغىنغا رىياسەتچىلىك قىلدى.
