شىنخۇا ئاگېنتلىقى، بېيجىڭ، 7 ـ ئاينىڭ 21 ـ كۈنى تېلېگراممىسى (مۇخبىر مېي چاڭۋېي) پۈتۈن ئارمىيەنىڭ پارتىيە قۇرۇلۇشى يىغىنى 7 ـ ئاينىڭ 20 ـ كۈنىدىن 21 ـ كۈنىگىچە بېيجىڭدا ئېچىلدى. جۇڭگو كوممۇنىستىك پارتىيەسى مەركىزىي كومىتېتىنىڭ باش شۇجىسى، دۆلەت رەئىسى، مەركىزىي ھەربىي كومىتېتنىڭ رەئىسى شى جىنپىڭ مۇھىم يوليورۇق بەردى. ئۇ مۇنداق تەكىتلىدى: بۇ قېتىمقى پۈتۈن ئارمىيەنىڭ پارتىيە قۇرۇلۇشى يىغىنىنى ياخشى ئېچىش پارتىيە 18 ـ قۇرۇلتىيىدىن بۇيان ئارمىيەمىزنىڭ پارتىيە رەھبەرلىكى ۋە پارتىيە قۇرۇلۇشىنى كۈچەيتىش نەتىجىلىرىنى مۇستەھكەملەش، يېڭى دەۋر، يېڭى مۇساپىدە ئارمىيەمىزنىڭ پارتىيە رەھبەرلىكى ۋە پارتىيە قۇرۇلۇشى خىزمىتىدە يېڭى ۋەزىيەت يارىتىشتا مۇھىم ئەھمىيەتكە ئىگە. پارتىيە 20 ـ قۇرۇلتىيى روھىنى ئومۇميۈزلۈك ئىزچىللاشتۇرۇپ، مەملىكەتلىك تەشكىلات خىزمىتى يىغىنىنىڭ روھىنى چوڭقۇر ئىزچىللاشتۇرۇپ، پارتىيە 18 ـ قۇرۇلتىيى، بولۇپمۇ گۇتيەن پۈتۈن ئارمىيە سىياسىي خىزمەت يىغىنىدىن بۇيان ئارمىيەمىزنىڭ پارتىيە قۇرۇلۇشىدا قولغا كەلتۈرۈلگەن تارىخىي مۇۋەپپەقىيەتلەر ۋە مۇھىم تەجرىبىلەرنى ئەستايىدىل خۇلاسىلەپ، پارتىيەنى ئومۇميۈزلۈك قاتتىق ئىدارە قىلىش، ئارمىيەنى ئومۇميۈزلۈك قاتتىق ئىدارە قىلىشنى سىجىل ئالغا سىلجىتىپ، ھەر دەرىجىلىك پارتىيە تەشكىلاتلىرىدا پارتىيەنىڭ ئارمىيەگە بولغان مۇتلەق رەھبەرلىكىدە چىڭ تۇرۇش، ئۇرۇشقا تەييارلىق كۆرۈش، ئۇرۇش قىلىش ئىقتىدارىنى ئۆستۈرۈشنى تۇتۇش، پارتىيەنى باشقۇرۇش، پارتىيەنى ئىدارە قىلىش سىياسىي مەسئۇلىيىتىنى ئەمەلىيلەشتۈرۈش قاتارلىق جەھەتلەردە ساقلىنىۋاتقان گەۋدىلىك مەسىلىلەرنى كۈچەپ ھەل قىلىپ، ئارمىيە قۇرۇلغانلىقىنىڭ 100 يىللىق كۈرەش نىشانىنى ئىشقا ئاشۇرۇشنى كۈچلۈك سىياسىي كاپالەت بىلەن تەمىنلەش كېرەك.
يىغىندا شى جۇشىنىڭ مۇھىم يوليورۇقى يەتكۈزۈلدى، ئۆگىنىلدى. جۇڭگو كوممۇنىستىك پارتىيەسى مەركىزىي كومىتېتى سىياسىي بىيۇروسىنىڭ ئەزاسى، مەركىزىي ھەربىي كومىتېتنىڭ مۇئاۋىن رەئىسى خې ۋېيدۇڭ يىغىنغا قاتناشتى ھەمدە سۆز قىلدى، ئۇ مۇنداق تەلەپ قىلدى: شى جۇشىنىڭ يېتەكچىلىكىدە ئارمىيەمىزنىڭ پارتىيە قۇرۇلۇشىدا قولغا كەلتۈرۈلگەن تارىخىي مۇۋەپپەقىيەتلەرنى چوڭقۇر تونۇپ، شى جۇشىنىڭ ئارمىيەمىزنىڭ پارتىيە رەھبەرلىكى ۋە پارتىيە قۇرۇلۇشى توغرىسىدىكى مۇھىم بايانلىرىنى ئەستايىدىل ئۆگىنىپ، ئۆزلەشتۈرۈپ، ئارمىيە قۇرۇلغانلىقىنىڭ 100 يىللىق كۈرەش نىشانىنى چىڭ كۆزلەپ، ئارمىيەمىزنىڭ پارتىيە قۇرۇلۇشىنى ئومۇميۈزلۈك كۈچەيتىپ، «ئىككىنى تىكلەش»نى قەتئىي ھىمايە قىلىشنىڭ ئىدىيەۋى ـ سىياسىي ئاساسىنى پۇختىلاپ، ھەربىي كومىتېت رەئىسى مەسئۇل بولۇش تۈزۈمىنى ئومۇميۈزلۈك چوڭقۇر ئىزچىللاشتۇرۇپ، ئۇرۇشقا تەييارلىق كۆرۈش، ئۇرۇش قىلىش ئىقتىدارىنى ئۆستۈرۈشتىكى قۇدرەتلىك كۈچنى مۇجەسسەملەپ، يۇقىرى قاتلامنى تۇتۇش، ئاساسىي قاتلامنى كۈچەيتىش، تەشكىلات سىستېمىسىنى ئومۇميۈزلۈك مۇستەھكەملەشكە ئەھمىيەت بېرىپ، قەتئىي تەۋرەنمەي سىجىل تۈردە ئىستىلنى توغرىلاپ، ئىنتىزامنى چىڭىتىپ، چىرىكلىككە قارشى تۇرۇپ، ئارمىيەمىزنىڭ پارتىيە رەھبەرلىكى ۋە پارتىيە قۇرۇلۇشى خىزمىتىنىڭ سۈپىتىنى ئۈزلۈكسىز ئۆستۈرۈش كېرەك.
يىغىندا ئالاقىدار مەسىلىلەر مۇزاكىرە قىلىندى، 15 ئورۇن پىكىر ئالماشتۇرۇپ سۆز قىلدى.
مەركىزىي ھەربىي كومىتېتنىڭ ئەزالىرىدىن ليۇ جېنلى، مياۋ خۇا، جاڭ شېڭمىن يىغىنغا قاتناشتى. ھەربىي كومىتېت ئورگىنىدىكى ھەرقايسى بۆلۈم، كومىتېتلار، ھەربىي كومىتېتقا بىۋاسىتە قاراشلىق ھەرقايسى ئاپپاراتلار، ھەربىي كومىتېت بىرلەشمە قوماندانلىق مەركىزى، ھەرقايسى ئۇرۇش رايونلىرى، ھەرقايسى ئارمىيە تۈرلىرى، ھەربىي كومىتېتقا بىۋاسىتە قاراشلىق ھەرقايسى ئورۇنلار، قوراللىق ساقچى قىسىمدىكى ئالاقىدار مەسئۇل يولداشلار قاتارلىقلار يىغىنغا قاتناشتى.
