□گېزىتىمىز ئوبزورچىسى
7 ـ ئاينىڭ 20 ـ كۈنى، ئاپتونوم رايونلۇق پارتىيە كومىتېتى نەزەرىيە ئۆگىنىش مەركىزىي گۇرۇپپىسى مەخسۇس تېمىلىق ئۆگىنىش يىغىنى ئۆتكۈزۈپ، باش شۇجى شى جىنپىڭنىڭ مەدەنىيەتكە ۋارىسلىق قىلىش ۋە ئۇنى راۋاجلاندۇرۇش سۆھبەت يىغىنىدا قىلغان مۇھىم سۆزىنىڭ روھىنى چوڭقۇر ئۆگەندى، ئۆزلەشتۈردى، يىغىندا: «جۇڭخۇا مەدەنىيلىكىنىڭ <بەش گەۋدىلىك ئالاھىدىلىكى>نىڭ جەۋھىرى، مۇھىم مەزمۇنىنى چوڭقۇر ئىگىلەپ، شىنجاڭنىڭ ئەمەلىيىتىگە زىچ بىرلەشتۈرۈپ، شىنجاڭنى مەدەنىيەت ئارقىلىق ئوزۇقلاندۇرۇشنى چوڭقۇر ئالغا سىلجىتىشنى تۇتقا قىلىپ، شىنجاڭنىڭ مەدەنىيەتكە ۋارىسلىق قىلىش ۋە ئۇنى راۋاجلاندۇرۇش يېڭى ۋەزىيىتىنى جاسارەت بىلەن يارىتىش كېرەك» دەپ تەكىتلەندى.
«مەدەنىيەت بىر دۆلەت، بىر مىللەتنىڭ روھى» «مەدەنىيەت ئىشەنچى بىر دۆلەت، بىر مىللەتنىڭ تەرەققىياتىدىكى ئەڭ نېگىزلىك، ئەڭ چوڭقۇر، ئەڭ ئۇزاق داۋاملىشىدىغان كۈچ»، پارتىيە 18 ـ قۇرۇلتىيىدىن بۇيان، باش شۇجى شى جىنپىڭ مۇستەھكەم مەدەنىيەت ئاڭلىقلىقى، كەڭ تارىخىي نەزەر دائىرە، چوڭقۇر ئىستراتېگىيەلىك ئويلىنىش ئارقىلىق، مەدەنىيەت قۇرۇلۇشى توغرىسىدا بىر قاتار يېڭى ئىدىيە، يېڭى نۇقتىئىنەزەر، يېڭى ھۆكۈملەرنى ئوتتۇرىغا قويۇپ، جۇڭخۇا مەدەنىيىتىنىڭ ئىجادىي ئايلىنىشى، ئىجادىي راۋاجلىنىشىغا يېتەكچىلىك قىلدى. بولۇپمۇ يېقىندا ئېچىلغان مەدەنىيەتكە ۋارىسلىق قىلىش ۋە ئۇنى راۋاجلاندۇرۇش سۆھبەت يىغىنىدا، باش شۇجى شى جىنپىڭ قۇدرەتلىك دۆلەت قۇرۇش، مىللەتنى گۈللەندۈرۈشنى نەزەردە تۇتۇپ، مەۋقەنى جۇڭخۇا مەدەنىيىتى تومۇرىنى داۋاملاشتۇرۇش، زامانىۋى مەدەنىيلىكنى گۈللەندۈرۈشكە قويۇپ، جۇڭخۇا مەدەنىيىتىگە ۋارىسلىق قىلىش ۋە ئۇنى راۋاجلاندۇرۇشتىكى بىر قاتار مۇھىم، زور نەزەرىيە ۋە رېئال مەسىلىلەرنى ئومۇميۈزلۈك، سىستېمىلىق، چوڭقۇر بايان قىلىپ، مەدەنىيەتتە ئۆزىگە ئىشىنىش، ئۆزىنى قۇدرەت تاپقۇزۇش ئىرادىسىنى چىڭىتىش، يېڭى مەدەنىيەت بۇرچىنى تېخىمۇ ياخشى زىممىگە ئېلىش، جۇڭخۇا مىللىتىنىڭ زامانىۋى مەدەنىيلىكىنى ۋە سوتسىيالىستىك مەدەنىيەت كۈچلۈك دۆلىتى قۇرۇلۇشىنى پۇختا ئالغا سىلجىتىش ئۈچۈن يۆنىلىشنى ئېنىق كۆرسىتىپ بەردى، تۈپ قوللانما بىلەن تەمىنلىدى. بىز باش شۇجى شى جىنپىڭنىڭ مۇھىم سۆزىنىڭ مول ئىچكى خاس مەزمۇنى، يادرولۇق مۇھىم مەزمۇنى ۋە ئەمەلىيەت تەلىپىنى چوڭقۇر ئىگىلەپ، شىنجاڭنى مەدەنىيەت ئارقىلىق ئوزۇقلاندۇرۇشنى ئالغا سىلجىتىشنىڭ مۇھىم، زور ئەھمىيىتىنى ئىستراتېگىيەلىك يۈكسەكلىكتە تۇرۇپ چوڭقۇر تونۇپ، يېڭى دەۋر، يېڭى مۇساپىدە گۈزەل شىنجاڭ قۇرۇپ چىقىشنى قۇدرەتلىك قىممەت يېتەكچى كۈچى، مەدەنىيەت ئۇيۇشۇش كۈچى، مەنىۋى تۈرتكىلىك كۈچ بىلەن تەمىنلىشىمىز كېرەك.
شىنجاڭنى مەدەنىيەت ئارقىلىق ئوزۇقلاندۇرۇش مەدەنىيەتنى قەلبتىن ئېتىراپ قىلىشنى ئىشقا ئاشۇرۇشنىڭ مۇقەررەر يولى. باش شۇجى شى جىنپىڭ شىنجاڭنى كۆزدىن كەچۈرگەندە: «قەلبتىن ئېتىراپ قىلىشنى كۈچەيتىشنى نىشان قىلىپ، شىنجاڭنى مەدەنىيەت ئارقىلىق ئوزۇقلاندۇرۇشنى چوڭقۇر قانات يايدۇرۇش كېرەك» دەپ كۆرسەتتى. مەدەنىيەتنى قەلبتىن ئېتىراپ قىلىش ئەڭ چوڭقۇر قاتلاملىق قەلبتىن ئېتىراپ قىلىش بولۇپ، مىللەتلەر ئىتتىپاقلىقىنىڭ يىلتىزى، مىللەتلەر ئىناقلىقىنىڭ جېنى. شىنجاڭنى مەدەنىيەت ئارقىلىق ئوزۇقلاندۇرۇشنى قانات يايدۇرۇشتا، سىياسىي جەھەتتىن قەلبتىن ئېتىراپ قىلىش، كىشىلەر قەلبىنى مايىل قىلىش مەسىلىسىنى تۈپتىن، ھەقىقىي ھەل قىلىش كېرەك، ھەر مىللەت ئاممىنىڭ قەلب جەھەتتىن مۇجەسسەملىنىشى، مەنىۋى جەھەتتىن بىر ـ بىرىگە تايىنىشىنى ئىلگىرى سۈرۈش كېرەك، ھەر مىللەت ئاممىنى توغرا بولغان دۆلەت قارىشى، تارىخ قارىشى، مىللەت قارىشى، مەدەنىيەت قارىشى، دىن قارىشى تۇرغۇزۇپ، ئۇلۇغ ۋەتەننى، جۇڭخۇا مىللىتىنى، جۇڭخۇا مەدەنىيىتىنى، جۇڭگو كوممۇنىستىك پارتىيەسىنى، جۇڭگوچە سوتسىيالىزمنى قەلبتىن ئېتىراپ قىلىشنى كۈچەيتىشكە يېتەكلەپ، كىشىلەر قەلبىنى مۇجەسسەملەيدىغان، ئىتتىپاقلىشىپ جاسارەت بىلەن ئالغا ئىلگىرىلەيدىغان قۇدرەتلىك مەنىۋى رىشتە شەكىللەندۈرۈش كېرەك.
شىنجاڭنى مەدەنىيەت ئارقىلىق ئوزۇقلاندۇرۇش جۇڭخۇا مەدەنىيىتىگە ۋارىسلىق قىلىش ۋە ئۇنى راۋاجلاندۇرۇشنىڭ مۇھىم يولى. جۇڭخۇا مۇنەۋۋەر ئەنئەنىۋى مەدەنىيىتى جۇڭخۇا مەدەنىيلىكىنىڭ ئەقىل ـ پاراسەت جەۋھىرى ۋە مېغىزى، جۇڭخۇا مىللىتىنىڭ يىلتىزى ۋە روھى، شۇنداقلا باشتىن ـ ئاخىر شىنجاڭدىكى ھەرقايسى مىللەتلەرنىڭ ھېسسىيات تايانچى، قەلب ماكانى ۋە مەنىۋى ماكانى. جۇڭخۇا مەدەنىيلىكىنىڭ گەۋدىلىك ئىزچىللىقى، ئىجادچانلىقى، بىرلىكى، سىغدۇرۇشچانلىقى، تىنچلىق خاراكتېرىنى چوڭقۇر ئىگىلەپ، ھەرقايسى مىللەتلەرنىڭ ئالاقىلىشىشىغا دائىر تارىخىي پاكىتلار، ئارخېئولوگىيەلىك ئەمەلىي بۇيۇملار، مەدەنىيەت مىراسلىرىنى تولۇق قېزىپ ۋە ئۇلاردىن ئۈنۈملۈك پايدىلىنىپ، جۇڭخۇا مەدەنىيىتى ئالاھىدىلىكىگە ۋە جۇڭخۇا مىللىتىنىڭ كۆرۈنمە ئوبرازىغا ئىگە بىر تۈركۈم نۇقتىلىق قۇرۇلۇش ۋە تۈرلەرنى پىلانلاپ قۇرۇپ ۋە ئەمەلىيلەشتۈرۈپ، بىر تۈركۈم جۇڭخۇا مەدەنىيەت ئاساسىغا ئىگە بولغان، زامانىۋى مەدەنىيلىك يۇغۇرۇلغان نادىر ئەدەبىيات ـ سەنئەت ئەسەرلىرىنى ئىجاد قىلىپ، بەرپا قىلىپ، ھەرقايسى مىللەتلەرنىڭ مۇنەۋۋەر ئەنئەنىۋى مەدەنىيىتىنى ئىجادىي ئايلاندۇرۇش، ئىجادىي راۋاجلاندۇرۇشنى ئىلگىرى سۈرۈپ، شىنجاڭنى مەدەنىيەت ئارقىلىق ئوزۇقلاندۇرۇش مۇھىم، زور تۈرىنى پۇختا ياخشى يولغا قويغاندىلا، شىنجاڭ تۇپرىقىدا جۇڭخۇا مەدەنىيىتى گېنىغا تېخىمۇ ياخشى ۋارىسلىق قىلىپ، جۇڭخۇا مەدەنىيىتىنىڭ تومۇرىنى راۋانلاشتۇرۇپ، جۇڭخۇا مىللىتىنىڭ ئورتاق مەنىۋى ماكانىنى ياخشى بەرپا قىلغىلى بولىدۇ.
شىنجاڭنى مەدەنىيەت ئارقىلىق ئوزۇقلاندۇرۇش ئەبەدىي ئەمىنلىكنى ئىشقا ئاشۇرۇشتىكى ئاساسنى پۇختىلاش تەدبىرى. يېڭى دەۋردىكى پارتىيەنىڭ شىنجاڭنى ئىدارە قىلىش تەدبىرىنىڭ مۇھىم تەركىبىي قىسمى بولۇش سۈپىتى بىلەن، شىنجاڭنى مەدەنىيەت ئارقىلىق ئوزۇقلاندۇرۇش ئەبەدىي ئەمىنلىككە مۇناسىۋەتلىك نېگىزلىك، ئۇللۇق، ئۇزاق مەزگىللىك خىزمەت، جەمئىيەت مۇقىملىقى ۋە ئەبەدىي ئەمىنلىك باش نىشانىنى ئىشقا ئاشۇرۇشتىكى مۇقەررەر تەلەپ. شىنجاڭنى مەدەنىيەت ئارقىلىق ئوزۇقلاندۇرۇش جەمئىيەتنىڭ مەدەنىيلىك دەرىجىسىنى ئۆستۈرۈپ، ھەر مىللەت خەلقنىڭ قانۇنچىللىق قارىشىنى كۈچەيتىپ، شىنجاڭنى قانۇن بويىچە ئىدارە قىلىشنى ئەخلاق ـ مەدەنىيەت تىرىكى بىلەن تەمىنلەشكە پايدىلىق؛ ھەرقايسى مىللەتلەرنىڭ ئالاقىلىشىشى، ئالماشتۇرۇشى، يۇغۇرۇلۇشىنى ئىلگىرى سۈرۈپ، جۇڭخۇا مىللىتى ئورتاق گەۋدىسى ئېڭىنى مۇستەھكەملەپ، شىنجاڭنى ئىتتىپاقلىشىپ مۇقىم قىلىش ئۈچۈن ئىدىيەۋى ئاڭ ئاساسىنى پۇختىلاشقا پايدىلىق؛ مەدەنىيەت ئىشلىرى ۋە مەدەنىيەت كەسپىنى گۈللەندۈرۈپ ۋە راۋاجلاندۇرۇپ، خەلقنى بېيىتىپ شىنجاڭنى روناق تاپقۇزۇشقا ئىقتىساد، جەمئىيەت تەرەققىياتى ھەرىكەتلەندۈرگۈچى كۈچ قوشۇشقا پايدىلىق؛ شىنجاڭ ئىدېئولوگىيە ساھەسىنىڭ بىخەتەرلىكىنى قوغداپ، شىنجاڭنى ئۇزاققىچە گۈللەندۈرۈش ئۈچۈن قەلبنى مۇجەسسەملەپ، روھنى تاۋلاش رولىنى جارى قىلدۇرۇشقا پايدىلىق. شىنجاڭنى مەدەنىيەت ئارقىلىق ئوزۇقلاندۇرۇش تۇپرىقىنى كۈچلەندۈرگەندىلا، شىنجاڭنى قانۇن بويىچە ئىدارە قىلىش، شىنجاڭنى ئىتتىپاقلىشىپ مۇقىم قىلىش، خەلقنى بېيىتىپ شىنجاڭنى روناق تاپقۇزۇش، شىنجاڭنى ئۇزاققىچە گۈللەندۈرۈش ئۈچۈن قۇدرەتلىك مەنىۋى كۈچ مۇجەسسەملەپ، بىر مەقسەتتە ھەمكارلىشىپ، ئىتتىپاق ـ ئىناق، ئاۋات ـ باي، مەدەنىي بولغان، تەرەققىي قىلغان، خاتىرجەم ياشاپ خۇشال ـ خۇرام ئىشلەيدىغان، ئېكولوگىيەسى ياخشى بولغان گۈزەل شىنجاڭ قۇرۇپ چىققىلى بولىدۇ.
مەدەنىيەت سۇغا ئوخشايدۇ، ئۈن ـ تىنسىز ھالدا تەدرىجىي سىڭىدۇ. شىنجاڭنى مەدەنىيەت ئارقىلىق ئوزۇقلاندۇرۇشنى ئىستراتېگىيەلىك يۈكسەكلىكتىن تونۇغاندىلا، شىنجاڭنى مەدەنىيەت ئارقىلىق ئوزۇقلاندۇرۇشنى سىستېما قارىشى ئارقىلىق ئىگىلىگەندىلا، شىنجاڭنى مەدەنىيەت ئارقىلىق ئوزۇقلاندۇرۇشنى سىجىل كۈچەپ، بوشاشماي كۈرەش قىلىپ ئالغا سىلجىتقاندىلا، بىز يېڭى مەدەنىيەت بۇرچىنى تېخىمۇ ياخشى زىممىمىزگە ئېلىپ، جۇڭخۇا مىللىتىنىڭ زامانىۋى مەدەنىيلىكىنى تىرىشىپ گۈللەندۈرۈش داۋامىدا شىنجاڭنىڭ مەسئۇلىيەتچانلىقىنى نامايان قىلالايمىز، شىنجاڭ تۆھپىسىنى قوشالايمىز.
