جاۋاب خەت
«ئىلىم - پەن ۋە جۇڭگو» ئاكادېمىك، مۇتەخەسسىسلەر ۋەكىللىرى:
ياخشىمۇسىلەر! خېتىڭلارنى تاپشۇرۇۋېلىپ مەزمۇنىدىن خەۋەردار بولدۇم. كۆپ يىللاردىن بۇيان، سىلەر «ئىلىم - پەن ۋە جۇڭگو» سەييارە لېكسىيە سۆزلەش پائالىيىتىگە ئاكتىپ قاتنىشىپ، ئىلىم - پەن بىلىملىرىنى كەڭ تارقىتىپ، ئىلىم - پەن روھىنى ئەۋج ئالدۇرۇپ، پەننى ئومۇملاشتۇرۇشقا تۈرتكە بولۇشتا رولۇڭلارنى ناھايىتى ياخشى جارى قىلدۇردۇڭلار.
پەننى ئومۇملاشتۇرۇش يېڭىلىق يارىتىپ تەرەققىي قىلىشنى ئىشقا ئاشۇرۇشتىكى مۇھىم ئۇل خاراكتېرلىك خىزمەت. سىلەرنىڭ ئىلىم - پەن ئارقىلىق ۋەتەنگە جاۋاب قايتۇرۇشتىن ئىبارەت شەرەپلىك ئەنئەنىنى داۋاملىق ئەۋج ئالدۇرۇپ، تېخىمۇ كۆپ پەن - تېخنىكا خىزمەتچىلىرىنىڭ پەننى ئومۇملاشتۇرۇش ئىشلىرىنى قوللىشى ۋە ئۇنىڭغا قاتنىشىشىغا تۈرتكە بولۇپ، ئەلا سۈپەتلىك، مول مەزمۇنلۇق ۋە ياقتۇرىدىغان شەكىللەر ئارقىلىق، ياش - ئۆسمۈرلەرنىڭ ئىلىم - پەننى قەدىرلەش، نامەلۇملۇق ئۈستىدە ئىزدىنىش قىزىقىشىنى قوزغاپ، ئومۇمىي خەلق ئىلىم - پەن ساپاسىنىڭ ئۆسۈشىنى ئىلگىرى سۈرۈپ، يۇقىرى سەۋىيەلىك پەن - تېخنىكىدا ئۆزىگە تايىنىش، ئۆزىنى قۇدرەت تاپقۇزۇشنى ئىشقا ئاشۇرۇش، جۇڭگوچە زامانىۋىلاشتۇرۇشنى ئالغا سىلجىتىش ئۈچۈن ئۈزلۈكسىز يېڭى تۆھپە قوشۇشىڭلارنى ئۈمىد قىلىمەن.
شى جىنپىڭ
2023 - يىلى 7 - ئاينىڭ 20 - كۈنى
(شىنخۇا ئاگېنتلىقى، بېيجىڭ، 7 - ئاينىڭ 21 - كۈنى تېلېگراممىسى)
شىنخۇا ئاگېنتلىقى، بېيجىڭ، 7 - ئاينىڭ 21 - كۈنى تېلېگراممىسى جۇڭگو كوممۇنىستىك پارتىيەسى مەركىزىي كومىتېتىنىڭ باش شۇجىسى، دۆلەت رەئىسى، مەركىزىي ھەربىي كومېتىتنىڭ رەئىسى شى جىنپىڭ 7 - ئاينىڭ 20 - كۈنى «ئىلىم - پەن ۋە جۇڭگو» ئاكادېمىك، مۇتەخەسسىسلەر ۋەكىللىرىگە جاۋاب خەت قايتۇرۇپ، پەن - تېخنىكا خىزمەتچىلىرىنىڭ پەننى ئومۇملاشتۇرۇش ئىشلىرىنى قوللىشى ۋە ئۇنىڭغا قاتنىشىشىغا قارىتا سەمىمىي ئۈمىدنى ئوتتۇرىغا قويدى.
شى جىنپىڭ جاۋاب خېتىدە مۇنداق دېدى: كۆپ يىللاردىن بۇيان، سىلەر «ئىلىم - پەن ۋە جۇڭگو» سەييارە لېكسىيە سۆزلەش پائالىيىتىگە ئاكتىپ قاتنىشىپ، ئىلىم - پەن بىلىملىرىنى كەڭ تارقىتىپ، ئىلىم - پەن روھىنى ئەۋج ئالدۇرۇپ، پەننى ئومۇملاشتۇرۇشقا تۈرتكە بولۇشتا رولۇڭلارنى ناھايىتى ياخشى جارى قىلدۇردۇڭلار.
شى جىنپىڭ مۇنداق كۆرسەتتى: پەننى ئومۇملاشتۇرۇش يېڭىلىق يارىتىپ تەرەققىي قىلىشنى ئىشقا ئاشۇرۇشتىكى مۇھىم ئۇل خاراكتېرلىك خىزمەت. سىلەرنىڭ ئىلىم - پەن ئارقىلىق ۋەتەنگە جاۋاب قايتۇرۇشتىن ئىبارەت شەرەپلىك ئەنئەنىنى داۋاملىق ئەۋج ئالدۇرۇپ، تېخىمۇ كۆپ پەن - تېخنىكا خىزمەتچىلىرىنىڭ پەننى ئومۇملاشتۇرۇش ئىشلىرىنى قوللىشى ۋە ئۇنىڭغا قاتنىشىشىغا تۈرتكە بولۇپ، ئەلا سۈپەتلىك، مول مەزمۇنلۇق ۋە ياقتۇرىدىغان شەكىللەر ئارقىلىق، ياش - ئۆسمۈرلەرنىڭ ئىلىم - پەننى قەدىرلەش، نامەلۇملۇق ئۈستىدە ئىزدىنىش قىزىقىشىنى قوزغاپ، ئومۇمىي خەلق ئىلىم - پەن ساپاسىنىڭ ئۆسۈشىنى ئىلگىرى سۈرۈپ، يۇقىرى سەۋىيەلىك پەن - تېخنىكىدا ئۆزىگە تايىنىش، ئۆزىنى قۇدرەت تاپقۇزۇشنى ئىشقا ئاشۇرۇش، جۇڭگوچە زامانىۋىلاشتۇرۇشنى ئالغا سىلجىتىش ئۈچۈن ئۈزلۈكسىز يېڭى تۆھپە قوشۇشىڭلارنى ئۈمىد قىلىمەن.
2002 - يىلى 12 - ئايدا، جوۋ گۇاڭجاۋ، لۇ يۇڭشياڭ قاتارلىق ئاكادېمىك، مۇتەخەسسىسلەرنىڭ تەشەببۇسى بىلەن، جۇڭگو پەنلەر ئاكادېمىيەسى مەركىزىي كومىتېت تەشۋىقات بۆلۈمى قاتارلىق ئورۇنلار بىلەن بىرلىشىپ ئورتاق تەشەببۇس قىلغان «ئىلىم - پەن ۋە جۇڭگو» ئاكادېمىك، مۇتەخەسسىسلەر سەييارە لېكسىيە سۆزلەش پائالىيىتىدە ھازىرغىچە مەملىكەت بويىچە پەننى ئومۇملاشتۇرۇش پائالىيىتى 2000 مەيدان قېتىمدىن ئارتۇق قانات يايدۇرۇلدى. يېقىندا، «ئىلىم - پەن ۋە جۇڭگو» سەييارە لېكسىيە سۆزلەش پائالىيىتىنى تەشەببۇس قىلغان ۋە ئۇنىڭغا قاتناشقان 20 ئاكادېمىك، مۇتەخەسسىس ۋەكىلى باش شۇجى شى جىنپىڭغا خەت يېزىپ، سەييارە لېكسىيە سۆزلەش پائالىيىتى قانات يايدۇرۇلغاندىن بۇيان قولغا كەلتۈرۈلگەن نەتىجىلەرنى دوكلات قىلدى، «مىڭ ئاكادېمىك. مىڭ مەيدان پەننى ئومۇملاشتۇرۇش» ھەرىكىتىنى باشلاپ، ئاكادېمىك، مۇتەخەسسىسلەر توپىنىڭ كۈچىنى مۇجەسسەملەپ، دۆلەتنىڭ پەننى ئومۇملاشتۇرۇش ئىقتىدارى قۇرۇلۇشىنى كۈچەيتىش، يۇقىرى سەۋىيەلىك پەن - تېخنىكىدا ئۆزىگە تايىنىش، ئۆزىنى قۇدرەت تاپقۇزۇشنى تېز ئىشقا ئاشۇرۇش ئۈچۈن تېخىمۇ زور تۆھپە قوشۇشنى تەشەببۇس قىلدى.
