گېزىتىمىز، ئۈرۈمچى، 5 - ئاينىڭ 22 - كۈنى خەۋىرى ئانار بۇلۇت\شىنجاڭ گېزىتى مۇخبىرى گاۋ فېڭنىڭ ئاپتونوم رايونلۇق ئىستاتىستىكا ئىدارىسىدىن ئىگىلىشىچە، 1 - ئايدىن 4 - ئايغىچە، باھا ئامىلىنى چىقىرىۋەتكەندە، شىنجاڭنىڭ كۆلەمدىن يۇقىرى سانائەت قوشۇلما قىممىتى بۇلتۇرقى ئوخشاش مەزگىلدىكىدىن ％6.2 ئاشقان.
ئۈچ چوڭ تۈرگە ئايرىپ قارىغاندا، 1 - ئايدىن 4 - ئايغىچە، كانچىلىق قوشۇلما قىممىتى بۇلتۇرقى ئوخشاش مەزگىلدىكىدىن ％3.4 ئاشقان، ياسىمىچىلىقنىڭ بۇلتۇرقى ئوخشاش مەزگىلدىكىدىن ％9.4 ئاشقان، ئېلېكتىر ئېنېرگىيەسى، ئىسسىقلىق ئېنېرگىيەسى، يېقىلغۇ گاز ھەم سۇ ئىشلەپچىقىرىش ۋە تەمىنلەش كەسپىنىڭ بۇلتۇرقى ئوخشاش مەزگىلدىكىدىن ％5.5 ئاشقان.
كەسىپلەر بويىچە ئايرىپ قارىغاندا، 1 - ئايدىن 4 - ئايغىچە، 40 چوڭ تۈردىكى ساھە ئىچىدە 30 ساھەنىڭ قوشۇلما قىممىتى بۇلتۇرقى ئوخشاش مەزگىلدىكىدىن ئېشىش ھالىتىنى ساقلىغان. بۇنىڭ ئىچىدە، كۆمۈر قېزىش ۋە يۇيۇپ ئىلغاش كەسپىنىڭ ％7.1 ئاشقان، نېفىت ۋە تەبىئىي گاز قېزىش كەسپىنىڭ ％1.2 ئاشقان، رەڭلىك مېتال رۇدىسى قېزىش ۋە تاللاش كەسپىنىڭ ％30.8 ئاشقان، توقۇمىچىلىق كەسپىنىڭ ％25.6 ئاشقان، نېفىت، كۆمۈر ۋە باشقا يېقىلغۇ پىششىقلاش كەسپىنىڭ ％5.9 ئاشقان، خىمىيەلىك خام ماتېرىيال ۋە خىمىيەلىك بۇيۇم ياساش كەسپىنىڭ ％8.5 ئاشقان، قارا رەڭلىك مېتال تاۋلاش ۋە پىروكاتلاپ پىششىقلاش كەسپىنىڭ ％0.1 ئاشقان، رەڭلىك مېتال تاۋلاش ۋە پىروكاتلاپ پىششىقلاش كەسپىنىڭ ％17.2 ئاشقان، ئېلېكتىر ئېنېرگىيەسى، ئىسسىقلىق ئېنېرگىيەسىنى ئىشلەپچىقىرىش ۋە تەمىنلەش كەسپىنىڭ ％4.2 ئاشقان، يېقىلغۇ گاز ئىشلەپچىقىرىش ۋە تەمىنلەش كەسپىنىڭ ％12.7 ئاشقان.
